Rufatên 41 şehîdan Êzdî hatin bin ax kirin

PUKMEDIA

Cenazeyên şehîdan

Îro Çarşemê termê 41 şehîdên navçeya Şengalê gihîştin goristanên ku ji bo şehîd û qurbaniyên rêxistina terorîst a DAIŞê bi amadebûna girseyeke mezin û hejmarek berpirsan hatine veşartin.

Nûnera Yekîtiya Niştimanî ya Kurdistanê Rojî Ziyad Sîdo ji PUKMEDIA re ragihand: Rufatên 41 şehîdên navçeya Şengalê hatin vegerandin û li goristanên şehîd û qurbaniyên rêxistina terorîst a DAIŞê bên veşartin.
Wê her wiha got: D.N.A li ser termên şehîdan li parêzgeha Bexdayê lêkolîn hatin kirin û termên şehîdan ji bo veşartina li goristanên şehîdan hatin vegerandin navçeya Şengalê û diyar kir ku malbatên şehîdan zarokên xwe bi lêkolîna li ser şehîdan nas kirin.

Yekîtiya Niştimanî her tim ji bo xizmeta Êzidiyan dixebite
Nûner Rojî Ziyad Sîdo, Seroka Lijneya Koçberî û Lihevhatinê ya Parlamentoya Kurdistanê dibêje: Yekîtiya Niştimanî ya Kurdistanê hertim daxwaza dabînkirina mafên êzîdiyan dike ji ber ku rastî neheqiyeke mezin ji aliyê rêxistina terorîst a DAIŞê ve hatiye kirin.

Wê got jî: Êzîdî hêjayî wergirtina qerebûyê ne û mafên wan wek şehîdên mayî li hemû navçeyên Iraqê be, ji ber ku van kesan malbat û malên xwe ji dest dane û heta niha li kampên awareyan mane û cihê guncaw divê ji bo wan bên dabînkirin û vegerin warên wan.

Heta niha nêzî 4 hezar û 500 kes winda ne

Nûnerê YNKê Rojî Ziyad Sîdo dibêje: Hejmara welatiyên êzîdî yên wenda bûne heta niha nêzîkî 3000 kesên winda ne, ku heta niha çarenivîsa wan ne diyar e.

Wê got jî: Nêzîkî 1500 keçên êzîdî yên revandî jî hene ku heta niha çarenivîsa wan ne diyar e, û em li gel dezgehên şareza kar dikin bo wergirtina zanyariyan li ser wan kesên winda.

PUKMEDIA