Serok Bafil ji Serokwezîr re: Rêz ji rêkeftinên siyasî re bigirin

Serokwezîrê Êraqê Mihemed Şîa Sûdanî li Bexdayê û  Serokê Yekîtiya Niştimaniya Kurdistanê (YNK) Bafil Celal Talebanî hevdîtin pêk anîn.
Di civînê de pêşveçûnên dawî yên siyasî, aborî û ewlekarî hatin gotûbêjkirin û têkez li ser hemahengî û yekrêziya hewlan ji bo bidest xistina bernameya hikûmetê ku ji pêşkêşkirina xizmetguzariyan, cîbicîkirina yasayan û bihêzkirina stûnên dewletbûnê pêk tê.
Serok Bafil Celal Talebanî got ku divê rêz li rêkeftinên siyasî yên di navbera Kurd û aliyên siyasî yên Êraqê de were girtin. Divê destûra bingehîn ji bo çareseriya bingehîn a pirsgirêkan bibe bingeh û hevpariyeke rasteqîn bê meşandin ku ev yek ji bo bidestxistina aramiya siyasî, ewlekarî û civakî li welat faktoreke girîng e.
Di derbarê dabînkirina xizmetguzariyan û guhertinên di warê birêvebirina welat de jî Serok Bafil got ku erkê hikûmeta nû ye ku xizmeta her kesî bi awayekî wekhev û dadperwerane bike, nakokiyên siyasî bi hikûmranî û mafên welatiyan re neyê tevlihevkirin. Ji bo bidestxistina vê armanca bilind YNK dê piştgiriya we bike.
Mijara hemahengî û hevkariya di navbera Hikûmeta Herêma Kurdistanê û hêzên Êraqê û parastina aramî û asayîşa li ser sînoran mijareke dinê hevdîtinê bû.
PUKMEDIA