Civîna aliyên siyasî li Dukanê.. Gotûbêjkirina rewş û serrastkirina rêbaza hukimdariyê

Kurdistan 11:53 AM - 2022-11-26

Civîna aliyên siyasî li Dukanê.. Gotûbêjkirina rewş û serrastkirina rêbaza hukimdariyê

Mala serokê rihmetî Mam Celal wek sîwaneke ku aliyên siyasî yên Êraq û Herêma Kurdistanê digihîne hev ji bo pêşxistina hemahengî, têgihiştin û lihevkirinê û di vê çarçoveyê de Yekîtiya Niştimanî ya Kurdistanê li ser rê û rêbaza Serok Mam di warê bihêzkirina yekrêziya ref û gotinê di navbera hemû aliyên siyasî de kar dike.
Serokê Yekîtiya Niştimanî ya Kurdistanê Bafil Celal Talebanî destpêşxeriyek ji bo lidarxistina civîneke hevbeş a hemû aliyên siyasî ji bo gotûbêjkirina rewşa niha ya Herêma Kurdistanê û serrastkirina rêbaza hikûmetê destpê kir.

Li ser şopa Serok Mam Celal

Endamê mekteba siyasî ya Yekîtiya Niştimanî ya Kurdistanê Stran Ebdullah dibêje: Civîna aliyên siyasî li mala Serok Mam Celal li navçeya Dukan ji bo zelalkirina helwesta Yekîtiya Niştimanî li ser pêwîstiya yekrêziya helwesta kurdan li Herêma Kurdistanê û Êraqê bû, ji ber ku pêwîstiya me bi wê yekê heye.

Pirsgirêkên Kurdan bi yekîtiyê çareser dibin

Stran Ebdullah dibêje: Civîn li gel wan aliyên siyasî bû ku nûneratiya wan li Parlamentoya Kurdistanê heye û herweha beşeke ji proseya siyasî ya Herêma Kurdistanê ye jî.
Girîngiya van civînan di wê yekê de ye ku behsa yekrêziya helwêstê were kirin û divê aliyên siyasî bi yekdengî kêşeyên navxweyî yên Herêma Kurdistanê çareser bikin.
Got jî: Bi heman awayî dema em li mala serok Mam Celal li Bexdayê dicivin, ev yek ji bo çareser kirina kêşeyên xwe yên li gel Bexdayê bi yekrêzî ye û çend roj berê me dît ku serok Bafil Celal Talebanî li gel  wezîrê perwerdeyê di hukûmeta federal de ji bo çareserkirina mijara xwendina kurdî li navçeyên nakok kom bû

Wê peyam bigihêje hemû aliyan

Stran Ebdullah tekez dike: Her aliyek û partiyek ku beşdarî civîna Dukan wê peyama civînê werbigire ji ber ku girtî nebû û wek tê zanîn Yekîtiya Niştimanî jî bi nêzîkatî û siyaseta Serok Mam li her cihekî ku pêwîst be ligel aliyên siyasî dicive û eşkere kir: Herêma Kurdistanê tûşî qeyraneke siyasî bûye û ew cudahiya ku di navbera parêzgehên Herêma Kurdistanê de çêdibe, ziyaneke mezin digihîne navçeya Kesk.

Mala Serok Mam Celal çadireke ku partiyan kom dike

Endamê Encumena Serkirdayetiya Yekîtiya Niştimanî ya Kurdistanê Sertîb Elî ji malpera fermî ya Yekîtî PUKMEDIA re dibêje: Mala Serok Mam Celal hertim sîwanek bûye ku aliyên siyasî û nêrînên cuda li hev kom dike.
Got jî: destpêşxeriya serok Bafil Celal Talebanî bo vexwandina serokên partî û aliyên siyasî bo lidarxistina lûtke li Dukanê, siyaseta berdewam ya Yekîtiya Niştimanî diyar dike û herwewha Yekîtiya Niştimanî piştgiriya her projeyekê dike ku armanca wê xizmetkirina welatiyan be.

Avakirina Desteya Bilind wê ji hikûmetê re hêsaniyên mezin peyda bike

Sertîb Elî endamê Encûmena Serkirdayetî li Herêma Kurdistanê dibêje: Avakirina Encûmena Bilind li  Herêma Kurdistanê ku di civîna Dukan de biryar li ser hat dayîn dê asankariyên baş ji bo hikûmet û parlamentoyê dabîn bike û di nav wê encumenê de wê hemû bîr û nêrînên cuda dê bên çareserkirin û ew dê bibe cihê kombûna partî û aliyên siyasî yên ku nûneratiya wan li parlamento û hikûmetê de heye û ti nûneratiya wan di parlamentoyê û hikûmetê de nîne be jî.
Got jî: Pêşniyazên ku Encûmena Bilind dê derbixe dê piştevaniya rewşa Herêma Kurdistanê be bihêzkirina aramiyê, bilindkirina asta jiyana welatiyan û derxistina yasayên giring be.
 

Helwestên Serok Bafil Celal Talabanî welatparêzî ne

Parlamentera Yekîtiya Niştimanî ya Kurdistanê li Parlamentoya Kurdistanê Şêrîn Yûnis ji PUKMEDIA re ragihand: Helwestên Serok Bafil niştimanperwerî ne û ji bo yekrêziya niştimanî û aramiya siyasî, aborî û civakî gavên girîng in.
Got jî: Pêngavên serok Bafil pêngavên giringe bo nehiştina yekdestdariya hizbî û cudaxwazî, dirustkirina jîngehek wekhev û bê cudahî xizmetkirina hemû navçeyên Kurdistanê.

PUKMEDIA