Hevpeymaniya stratejîk di navbera Êraq û Amerîkayê de

Serokkomar Dr.Ebdul Letîf Cemal Reşîd ,Wezîrê Derve yê Amerîkayê Antonî Blînken

Girîngiya hevpeymaniya stratejîk di navbera Êraq û Amerîkayê de
Serok Komarê Êraqê  tekezî li ser giringiya hevpeymaniya stratîjîk di navbera Êraq û Amerîkayê de kir.
Birêz Serok Komar Dr.Ebdul Letîf Cemal Reşîd pêwendiyeke telefonî ji Wezîrê Derve yê Amerîkayê Antonî  Blînken wargirt  û tê de wezîr Blînken pîrozbahî li Serokê Êraqê kir û hêviya serkeftinê ji bo wî û hikûmeta Êraqê di erkên wan de xwest.
Wezîrê karên derve yê Amerîkayê kêfxweşiya xwe ya ji bo pêkanîna hilbijartina serok komarê Êraqe bi awayê aştiyane , demokratîk û pêkanîna hikûmetekê nîşan da ku ji bo cîbicîkirina her tiştekî  ku piştevaniya pêkanîna ewlehiyê, aramyê, xizmetguzariyan pêşkêşî xelkê bikin û peywendiyên navendê û Herêma Kurdistanê baştir bikin, di berjewendiya Êraqê de ligel hemû pêkhateyên wê.
Serokkomar Ebdulletîf Cemal Reşîd û Wezîrê Antonî  Blînken tekezî li ser giringiya hevpeymaniya stratejîk û hevkariya nêzîk di navbera Êraq û Amerîkayê de li şerê dijî terorê li Êraqê û navçeyê kirin. Wezîr Blînken piştgiriya welatê xwe ji bo gelê Êraqê dûpat kir.
Her du aliyan  de derbarê  beşdarbûna wan a Lûtkeya Avhewayê ya ku li Şarm El Şêxê tê lidarxistin de axivîn. Her di vê derbarê de Serok Komar amaje bi pirsgirêkên  jîngehê yên ku Êraq tûşî wan dibe û her wiha  kêmbûna avê jî kir.
PUKMEDIA