Li Salona Kurdistanî New roja penaberan hat pîroz kirin

 Li Salona Kurdistanî New ya Mekteba Ragihandina YNKê roja penaberan hat pîroz kirin.

Îro roja duşemê 20-6-2022`an li bajarê Silêmaniyê di Salona Kurdistanî New de, semînarek derbarê roja cîhanî ya penaberan birêve çû.

Her di wê barê de, endama lîjneya amadekar Roşîn Sîdo ji PUKmedia`yê re ragihand; Me wek Encûmena Penaberên Kurdên Rojavayê Kurdistanê, îro roja duşemê20-6-2022`an, bi boneya roja cîhanî ya penaberan dest bi gelek çalakiyên cuda cuda kir.

Li vir Salona Kurdistanî New, semînarek hat lidarxistin û têda gotarên alî û rêxistinan hat pêşkêş kirin û di dawiyê de jî, kertên rêzgirtinê ji wan alî û mekteb û dibistanên alîkarbûne re hate dayîn.

Roşên aşkire kir ku li Bazyan, bi hemahengiya Encûmena Penaberên Kurdên Rojavayê li gel Rêxistina Rîçê dest bi çalakiyeke derbarê rewş û çand û hunera kurdî yê Rojavayê Kuridstanê hat kirin û li Kampa Barîkae ya Rojava li Erbetê jî, Rêxistina Mîr Ko û Dezgeha Lûtkeyê li gel Encûmena me û li gel DMCR û rêvebriya kampê bêhtir ji 2000 sepetên xwrakê bi ser penaberên kampê de dabeş kirin.
PUKmedia