Li Kîvê teqîn û li Severodonetsk şer dijware

Şaredarê Kêvê Vitali Klitschko got ku di demjimêrên serê sibê yên Yekşemê de gelek teqînan li paytexta Ukraynayê hejandin, dema ku hêzên Ukraynayê hewl didin ku "kontrola tam" ya bajarê Severodonetsk vegerînin.

Klitschko li ser Telegramê nivîsî: Li navçeyên Darnitsky û Dniprovsky ên paytextê gelek teqîn çêbûn. Beriya niha li piraniya herêmên Ukraynayê, di nav de herêma Kêvê, fîkên hawarê hatin lêdan.
Di vê çarçoveyê de, Oleksandr Stryuk, şaredarê Severodonetsk, bajarê sereke li rojhilatê Ukraynayê ragihand ku hêzên Ukraynayê hewl didin ku "kontrola tam" ya bajêr vegerînin.destnîşan kir jî ku hêzên Rûsyayê "hin serkeftin bi dest xistine" û "karibûn derbasî bajêr bibin û beşeke mezin jê bigrin û bikin du perçe. Lê leşkerên me ji nû ve bi cih bûn û xeteke parastinê ava kirin. Niha em her tiştî dikin da ku kontrola Ukrayna bi tevahî vegerînin" li ser Bajêr.

Wezareta Parastinê ya Rûsyayê pêştir piştrast kir ku yekîneyên leşkerî yên Ukraynayê ji Severodonetskê vekişiyan, piştî ku "di şeran de ziyanên mezin gihandin" û ber bi bajarê cîran Lyschansk çûn.
Stryuk diyar kir: "Rewş gelekî zehmet e. Ji bo ku dijmin ji bajêr derxînin hemû tiştên ku ji destê me derdikeve tê kirin, di heman demê de şerê kolanan berdewam dike.
Wî her wiha got: "Hêzên me yên çekdar piştrast in ku dê biserkevin" di vegerandina kontrola bajêr de.
Armanca ragihandî ya hêzên Rûsî kontrolkirina tevahiya hewza Donbassê ye, ku herêmên Donetsk û Luhansk dihewîne, piştî ku di sala 2014an de beşeke wê ji aliyê cudaxwazên alîgirên Moskowê ve hat kontrolkirin.


PUKmedia/Ajansan