Bo yekem car nivîskareka Hindî Xelata Booker wergirt

Nivîskara Hindî Gitanjali Shri bi romana xwe ya bi navê " Gora di nav qumê " de Xelata Booker a Navneteweyî wergirt. Ev ji aliyê wergêrê îrlandî, Frank Wayne serokê komîteya biryardanê ve hat ragihandin.

Pirtûk çîroka jineke Hindistanê ya 80 salî ye ku piştî mirina mêrê xwe û xerabûna têkiliyên bi keça xwe re ketiye depresyonê. Jin biryar dide ku biçe Pakistanê, ku di dilê wê de bîranînên bi êş ên parçebûna welat vedijîne, û jin di dawiyê de di jiyana xwe de çavkaniyên nû yên şahiyê dibîne.
Hêjayî gotinê ye ku “Tirba di nav qûmê de” yekemîn pirtûka ku ji Hindistanê hatiye wergerandin e ku xelata “Booker” wergirtiye.
Nivîskar û wergêrê Amerîkî Daisy Rockefell ev roman wergerand zimanê Îngilîzî. Di lîsteya kurt a Xelata Booker de şeş berhemên wêjeyî yên bi spanî, koreyî, polonî, hindî û japonî hatine nivîsandin. Di nav pirtûkên ku îsal ji bo xelatê hatin berbijêrkirin, romana nivîskara Polonî Olga Tokarczuk a bi navê "Pirtûkên Yaqub " ku di sala 2018an de Xelata Booker wergirtibû jî hebû.

PUKmedia