Efrîn yekemîn herêma ku dibistanên zimanê kurdî lê hat xwendin

Dibistana yekemîn li Rojavayê Kurdistanê li gundê Diraqliya ya girêdayî navçeya Şera ya Efrînê hatibû vekirin, piştre 20 dibistanên din jî li seranserî herêma Efrînê hatibûn vekirin."
Her weha piştî şoreşa Rojavayê Kurdistanê, di 33 dibistanên fermî de dest bi perwerdeya zimanê Kurdî kiribûn û di demeke kin de Saziya Zimanê Kurdî (SZK)’ê karîbû ji bo hemû astan di 320 dibistanên fermî yê herêma Efrînê de, perwedeya zimanê Kurdî berdewam bike.
Wek tê zanîn ku Saziya zimanê kurdî heya roja 2013-05-15, li 2566 şagirtên zimanê kurdî bawername belav kiribûn û 800 mamosteyên wanayên kurdî jî ku 600 ji wan jin in ji bo perwedeya Dîrok, Erdnîgarî, Dîroka jinê û Toreya Kurdî, hatibûn amade kirin.
Li gorî rêvebirên Li herêma Efrînê beriya dagîrkinê ku di heya sala 2013`an, 8 navendên Saziya Zimanê Kurdî (SZK) hatibûn avakirin,  amadekariyên vekirina Akademiya Zimanê Kurdî dikirin û hate bi cih kirin, wê demê li ser sê astan nêzî 1000 şagirtî perwerdeya zimanê Kurdî berdewam dikir.."
Ziman hebûna gelan e, bê ziman rastiya gelan wunda ye, bê ziman dîrok û çanda gelan bê wateye.

PUKmedia