​​​​​​​Desteya Perwerdeyê Roja Zimanê Dayikê pîroz kir

Desteya Perwerde û Fêrkirinê ya Bakur û Rojhilatê Sûriyê bi boneya bi boneya 21’ê Sibatê Roja Zimanê Dayikê ya navneteweyî "Roja Zimanê Dayikê" daxuyaniyek da.

Di daxuyaniyê de wiha hate gotin:
”Desteya Perwerdeyê tevayî gelên cîhanê, bi taybetî pêkhateyên Bakur û Rojhilatê Sûriyê bi boneya Roja Zimanê Dayikê ya navneteweyî pîroz dike.

Ji bo parastin û bihêzkirina civakeke pirzimanî û pirçandî li Bakur û Rojhilatê Sûriyê û ji ber ku ziman hîmê bingehîn ê hebûna civakan e û girîngiya bidestxistina zanist û heşînkirina kesayeta zarokan a civakî û çandî ye, Desteya Perwerdeyê pergala perwerdeya pirzimanî didomîne. Di heman demê de bang li rêxistinên navneteweyî dike ku li rêgezên xwe xwedî derkevin û piştgiriyê bidin yekemîn ezmûn a pergala perwerdeya pirzimanî li Rojhilata Navîn.”


PUKmedia