HAT`ê li taxa Zihûr operasyonên lêgerînê li dar xistin

HAT`ê operasyon li taxa Zihûr a li rex girtîgeha Sînaa ya Hesekê li dar xist.

Operasyonên li taxên derdora girtîgeha Sînaa ya Hesekê berdewam in. Di vê çarçoveyê de Hêzên Antî Teror (HAT) vê sibê li taxa Zihûr a li rex girtîgeha Sînaa operasyonên lêgerînê li dar xistin.

Pêncşema borî, şaneyên DAIŞ`ê êrişî girtîgeha Sînaa kir da ku 5 hezar çeteyên DAIŞ`ê yên girtî birevînin.

Gelek çeteyan xwe li taxa Zihûr veşartin.

Ji ber wê Hêzên Ewlekariya Hundirîn a Bakur û Rojhilatê Sûriyê û QSD`ê operasyon li dijî çeteyan li dar xistin. Piştî 3 rojan, hêzên leşkerî, çeteyên DAIŞ`ê di sûrên girtîgehê de dorpêç kirin û li taxên li rex girtîgehê operasyonên lêgerînê pêk anîn.

Duh sêşemê, QSD`ê gelek avahiyên girtîgehê kontrol kir û 23 dîlên di destê DAIŞ`ê de rizgar kirin.

PUKmedia - ANHA