Yekîtiya Niştîmanî Berhem Salih ji bo posta serokkomariyê destnîşan dike

Encûmena Serkirdatiya Yekîtiya Niştimaniya Kurdistanê li bajarê Silêmaniyê bi amadebûna Bafil Celal Talebanî civînek lidarxist û têde rewşa siyasî ya niha ya Êraqê û mafên destûrî yên gelê Kurdistanê di avakirina federaliya nû de gotûbêj kirin.

Encumena Serkirdayetiyê tekezî li ser yekrêzkirina helwêstên hêzên Kurdî kir û Yekîtiya Niştimaniya Kurdistanê helwesta Serokê Komarê bi layîqê Kurd û Yekîtiya Niştimaniya Kurdistanê dibîne, ji ber wê jî ew dê bergiriyê li mafê xwe bike û nabe li ser wê danûstendinê bikin.
Civîna Encûmena Serkirdayetiyê bijardeyên li pêş Yekîtiya Niştimaniya Kurdistanê di qonaxa niha de û mafê gelê Kurdistanê gotûbêj kirin û Encûmena Serkirdayetiyê biryar da ku piştevaniya hemû aliyan bo serkeftina kandîdê Yekîtiya Niştimaniya Kurdistanê birêz Berhem Ehmed Salih bike ji bo posta Serokkomarê.

PUKmedia taybet