Washington daxwaza bilezkirina avakirina hikûmeta Êraqê dike

Îro Duşemê, Balyozxaneya Amerîka li Bexdayê pîrozbahiya hilbijartina Serokatiya Parlamentoya Êraqê kir û hêviya xwe jî ji bo bilezkirina proseya pêkanîna hikûmetê nîşan da.

Di daxuyaniya Balyozxaneyê de hat gotin ku ew pêşwazî li lidarxistina civîna pêncem a Parlamentoya Êraqê dikin, ku beşeke bingehîn a proseya demokratîk û serweriya niştimanî ya welêt e.
Wî her wiha got: "Em germtirîn pîrozbahiyên xwe pêşkêşî serokê nû yê Encûmena Nûneran Mihemed Helbûsî û Cîgirê yekem Hakim El-Zamilî û yê duyem ê Encûmenê Şaxwan Ebdulla dikin. Parlamento, Şexwan Ebdullah.”
Wî bal kişande ser wê yekê ku: "Ji ber rola giring a Êraqê di aramî û ewlehiya navçeyê de heye, em hêvîdar in ku serkirdeyên Êraqê û parlamentoya nû proseya pêkanîna hikûmeta nû bileztir bikin da ku bikare karên girîng bi cih bîne di berdewamiya parastina demokrasiyê, piştgiriya serweriya niştimanî û çareserkirina kêşeyên lezgîn."
Wê hêviya xwe anî ziman ku "Hikûmeta nû piştî ku hat avakirin, îradeya gelê Êraqê nîşan bide û ji bo çareserkirina kêşeyên rêveberî, mafên mirovan, ewlehî û aborî li Êraqê kar bike."

PUKmedia