Nûnerên Yekîtiya Niştîmanî amade ne ku beşdarî rûniştina parlamentoyê bibin

Îro Yekşemê 09.01.2022, Encûmena Nûneran dê yekem rûniştina xwe di dewreya pêncem a hilbijartinan de li dar bixe.

Namzedê serketî yê Yekîtiya Niştimaniya Kurdistanê Dîlan Xefûr di daxuyaniyeke taybet de ji PUKmedia`yê re ragihand: Civîna îro yekem rûniştina Encûmena Nûneran e û tê de emîndarê giştî yê encûmana nûneran bixêrhatina endamên perlemanê dike û paşê serokê bi temen dê birêvebirîya rûniştinê bike, û paşê bangî cîgiran bike bo sonda destûrî.
Û wê got jî: Serokê bi temen gotarekê bi helkefta vekirina dewreya pêncem a hilbijartinan pêşkêş dike, vekirina kandîdkirina posta serokê parlamentoyê û her du cîgirên wî radigihîne.
Wê diyar kir: Parlamenterên Yekîtiya Niştimaniya Kurdistanê amade ne ku beşdarî civînê bibin û em hêvîdar in hemû xalên rojeva civîna îro bên cîbicîkirin.


PUKmedia taybet