Wezîrê Perwerde: 80 hezar mamosteyan vaksîn lixwe dane

Wezîrê Perwerdê yê Hikûmeta Herêma Kurdistanê ragihand, rêjeya wergirtina derziyên dijî Koronayê di nav mamostayên Herêma Kurdistanê de gihîştiye qonaxeke baş.

Wezîr Alan Heme Seîd di kongirekî rojnamevanî de got: Rêjeya wergirtina vaksîna dijî Koronayê li Herêma Kurdistanê gihîştiye qonaxeke baş û zêdetirî 80 hezar mamostayan jima yekem û duyem wergirtine, ew jî rîjeyeke baş e.
Wî her wiha got: Biryara wergirtina derziyên dijî Koronayê ji aliyê Encûmena Wezîran ve hatiye dayîn û armanca wê parastina mamostayan ji metirsiya vîrusê ye.
Got jî: Hikûmeta Herêma Kurdistanê kar li ser dabînkirina hemû pêdiviyên pêwîst bo piştevanîkirina proseya xwendinê li Herêma Kurdistanê dike û Wezareta Perwerdê jî bi berdewamî li ser rewşa tendirustiyê di xwendingeh û navendên xwendinê de dişopîne.

PUKmedia taybet