Bafil Talebanî: Pêwîstiya Pêşmerge û artêşê bi xebat û hemahengiya hevbeş heye

Derbarê êrîşa terorîstên DIŞIê bo ser hêzên pêşmerge li Goleco, Bafil Celal Talebanî di daxuyaniyekê de amaje bi wê yekê kir ku em careke din daxwaza birêvebirina hevbeş a dosyaya ewlehiyê li navçeyên nakokdar dikin, bi siyaset û nêrîneke din bo pêkanîna ewlehî û aramiyê.

Metna daxuyaniyê:
 Şeva borî di hewleke terorîstan êrîşî Hêzên Pêşmerge li sînorê Golecoyê hat kirin.”
“Mixabin êrîşa terorîstan bû sedema şehîdbûna 5 pêşmergeyên qehreman û birîndarbûna 4 pêşmergeyên din.” Em êrîşa terorîstî bi tundî şermezar dikin, û ji malbatên şehîdan re sersaxiyê dixwazin û cansaxiya birîndaran dixwazin."
“Ji bo van kiryarên terorîstî, pêwîstiya me bi plan, bernameyeke hevbeş û hemahengî heye, bi taybetî bihêzkirina karê hevbeş di navbera hêzên Pêşmerge û artêşa Êraqê de, ji bo rûbirûbûna paşmahiyên DAIŞê û rêgirtina li tevgerên wan, ku metirsiyeke mezin li ser wan sînoran e. ."
 "Ji vir ve em careke din daxwaza birêvebirina dosyaya ewlehiyê li wan sînoran dikin, bi siyaset û nêrîneke din bo pêkanîna ewlehî û aramiyê li wan deveran."


PUKmedia