Daxuyaniyek ji Polîtburoya YNK derbarê bidawîbûna kampînên hilbijartinê

Buroya Siyasî ya Yekîtiya Niştimanî ya Kurdistanê bi boneya bidawîhatina kampînên propagandayê ji bo hilbijartinên pêşwext ên yasayî,daxuyaniyek belav kir û têde wiha got:

Kurdistaniyên delal ...
Em nêzîkî kêliyên dawîn ên kampînên propagandayê yên ji bo hilbijartinên pêşwext ên parlamentoya Êraqê ne û em ê bi heman coşê şoreşa nû ya gelê xwe di rojên serhildan û rizgarkirina Kurdistanê ji destê rejîma Baasê ya zalim û rûbirûbûna tarîtiya rêxistinê DAÎŞê berê xwe bi sandoqan din ji bo dengdanê.
Îro piroseya dengdanê ya taybet birêve çû. Em Pêşmergeyên qehreman û Hêzên Navxwe yên Herêma Kurdistanê ji ber beşdarbûna wan a bi coş di proseya dengdanê de gelek dinirxînin û em hêvî dikin ku em jî bi heman ruhî beşdarî proseyê bibin.

Ey gelê leheng û têkoşer ê Kurdistanê ...
Yekîtiya Niştimanî ya Kurdistanê, wek hêzek resen, xwedî dîrokek zengîn û biriqandî, pêşengê têkoşîn û fedakariyê, nûkerê parastina li hember dijmin û şikestkerê pîlanan, em bi birayên Tevgera Goran re  di çarçoveya Hevpeymaniya Kurdistanî beşdarî van hilbijartinan dibin, û bi piştgirî û piştevaniya  gelê me em li benda serkeftina mezin in, û em dixwazi serkeftina xwe diyarî giyanê rêberên xwe bikin, Mam Celal, Kak Noşîrwan Mistefa û hemû têkoşerên gelê me.

Em wek Yekîtiya Niştimanî ya Kurdistanê, armanca me ji Xaneqîn heya Zaxo, û ji Silêmaniyê paytexta çand û bajarê rizgarî û qurbaniyê heya Kerkûk Qudsa Kurdistanê, û ji Hewlêrê heya Duhok a bedew û Helebceyê şehîd, ji Karmian a Enfal û Raperîna serhildanê, û li Bexda paytexta Êraqê, û Mûsil a birîndar, Armanca me ew e ku em baweriya gelê Kurdistanê bidest bixin û nûnerên me yên li Bexdayê di çarçova stratejiya Mam Celal a zelal de ji bo yekxistina mafên me yên netewî bixebitin û bibin parêzvanek bihêz ji bo dabînkirin û parastina jiyana gelê Kurdistanê û ji bo misogerkirina destkeftiyên darayî a Herêma Kurdistanê û cîbicîkirina destûra Êraqê.

Kurdistaniyên delal ...
Beşdariya we di proseya dengdanê de yek ji mafên we ye, û ku bi beşdarbûna we hûn ê bibin beşek ji pêvajoya biryargirtinê li vî welatî. Dengê we ji bo namzedên Hevpeymaniya Kurdistanî û Yekîtiya Niştimanî ya Kurdistanê cihê kurd li Bexdadê xurt dike hebûna tîmeke bihêz li Bexdadê jiyana aram li Herêmê peyda dike .

Yekîtiyên xwîn kesk...
Di dirêjahiya dîrokê de, Yekîtiya Niştimanî ya Kurdistanê çend caran rastî zehmetiyan hatiye û ketiye kortalê, û dijberên me xeyal dikin ku wê têk bibin û ji holê rakin, we ev xewn têk biribû, vê carê bi beşdarbûna we em dikarin ji dijmin û dostan re zelal bikin ku YNK xwedî hêz û cemewerê polatî ye û ketina wê ne mumkin e û bi vê gavê emê gotina Mam Celal bi cih bînin ku digot keşt hildiweşe lê Yekîtî hilnaweşe.

Em bang li hemû kadro û alîgirên Yekîtiya Niştimanî ya Kurdistanê, xwedî Enfal û şehîdan, xwedî pêşmergeyên leheng, girtiyên siyasî û kesên astengdar ên di refên parastinê de, û kesên xwedî pêdiviyên taybet, bi taybetî ciwan û jinan dengê xwe bidin Hevpeymaniya Kurdistanî. Bi hev re em bihêztirîn in.


PUKmedia