Fransa pabendbûna xwe bi piştevanîkirina ewlehî û aramiya Êraqê piştrast dike

Serokkomar D.Berhem Salih li kêleka civînên Civata Giştî ya Neteweyên Yekbûyî, li New Yorkê , pêşwazî li Wezîrê Derve yê Fransayê, Jean-Yves Le Drian kir.

Di hevdîtinê de, wan li ser zêdebûna pêwendiyên Êraq-Fransa û awayên geşepêdana wan di warên cude de, di nav de aborî û bazirganî, û hevkariya Fransa ji bo piştgiriya Êraqê di şerê li dijî têrrorîzmê û alîkariya mirovî de gotûbêj kirin.

Serok Berhem Salih tekez kir ku Êraq li hêviya piştevaniya heval û hevpeymanan e ji bo zêdekirina ewlehiya xwe, misogerkirina aramiyê, kar ji bo kêmkirina kirîzên li herêmê, û tekez li ser rola jiyanî ya Êraqê di vê yekê de.
Amajae bi wê yekê jî kir ku Êraq şerê xwe yê li dijî şaneyên terorîst didomîne û aramiya xwe û vebûna aborî û bazirganî xurt dike, û di warê parastina jîngehê de û ji nêzîk ve bandorên girîng ên guherîna avhewa li ser asta neteweyî û herêmî dixebite bi hevrêziya navneteweyî.

Ji aliyê xwe ve, wezîr Jean-Yves Le Drian pabendbûna welatê xwe ji bo piştevanîkirina ewlehî û aramiya Êraqê, û yekxistina hewlên xwe yên mezin ji bo sivikkirina aloziyên herêmî û pêwîstiya vegera Êraqê bo rola xwe ya sereke di wê de, û xurtkirina hevkariya aborî û bazirganî di navbera her du welatan de.

PUKmedia