Rêxistina Hawar a Civaka Sivîl Dr. Omer Şêxmûs xelat kir

Hawarê Dr. Omer Şêxmûs xelat kir

Rêxistina Hawar a Civaka Sivîl bi serpereştiya Encûmena Penaberên kurd ê Rojavayê siyasetvan Dr. Omer Şêxmûs xelat kir.

Duh roja sêşemê 6-7-2021`an, demjimêr 6ê ber hêvarê, şandeke ji Encûmena Penaberên kurd ê Rojavayê Kurdistan û Rêxistina Hawar a Civaka Sivîl bi serokatiya serokê Encûmenê rojnamevan Hozan Efrînî serdana siyasetmedar û tekoşerê dêrîn ê kurdê Rojavayê Kurdistanê û endamê desteya demezrêner ê YNKê Dr. Omer Şêxmûs kir.

Her weha di wê civîna xelatkirina Dr. Omer Şêxmûs de, endamê encûmena bilind ê YNKê Hakim Qadir Hema Can û rojnamevana kurd Rewşan Qasim û ragiahndinvan Azad Kerkûkî û li gel endamên desteya rêvebir ê Encûm,ena Penaberên kurd Sîlda Şahîn û Zêwa Xelef û Mistefa Omer Êhmo û nûnera Rêxistina Hawarê Medya Elî jî amadebibûn.

Di wê serdanê de, Dr. Omer Şêxmûs bi mertala Hawrê ji aliyê Zêwa Xelef Hesekê ve hat pêşkêş kirin li gel baxeke gul û ji aliyê mêvanên amdebûyî ve hat pîroz kirin.

Piştre jî serokê Encûmena Penabberên Rojavayê Kurdisatnê Hozan Efrînî sedeema xelatkirina Dr. Omer Şêxmûs şirove kir ku ev mirov hemû mjiyana xwe ji bo xizmetkirina doza kurdî terxankiriye û bi awayekî bê wêne tekoşîn û xebata netewî ya kurdî di navbera Rojavayê Kurdistan û Başûrê Kurdistanê de encam daye û heya niha jî di karên xwe ên erkên netewî de dirêjpêdere.

Ji ber tekoçşêna bê wêne, me wek Encûmen û wek Rêxistina Hawarê a Civaka Sivîl ev xelat layîqî Dr. Omer Şêxmûs dît ku berê jî heman mertal ji bo mamosteyê nemir Ebdulhemîd Derwîş hatibû pêşkêş kirin.

Ji aliyê xwe ve jî, Dr. Omer Şêxmûs spasiya Encûmen û Hawarê kir ku ev xelat ji bo wî cihê dilgeşî û kêfxweşiyê ye û em amade ye ku her kar û erkek di stuyê wî de be, ewê ji bo Encûmen û Hawarê pêkbîne.

PUKmedia