Dadgehkirina girtiyên DAIŞê li Rojava
Nêrîn 01:30 PM - 2023-06-19
Hêzên
Sûriyeya Demokratîk (HSD) li Bakur û Rojhilatê Sûriyê ji Kobanê heta Baxozê
rêxistina terorîst a DAIŞê têk bir û paytexta wê rêxistinê Reqa rizgar kir, di
heman demê de rêxistinê gelek sûc û komkujî kiribû, terrorist ji 60 welatan ketibûn
nav rêxistinê. Di salên şerê di navbera Hêzên Sûriyeya Demokratîk û DAIŞê de,
hejmareke mezin ji çeteyan hatin girtin û ketin , lê divê niha tedbîr bên
girtin ji bo dadgehkirina endamên DAIŞê di zindanên Rojava de, tevî ku
rêveberiya xweser gelek caran daxwaz ji civaka navdewletî kiriye ku
berpirsiyariya xwe ji bo çareserkirina doza girtiyên DAIŞê werbigire, Wî çendîn
pêşniyar pêşkêşî welat û rêxistinên navdewletî yên ku di dosyayê de ne, da ku
dadgeheke navdewletî yan dadgehek bi mohra navdewletî hebe ji bo vê yekê were
avakirin , lê hemû daxwazên rêveberiya xweser nehatine bersivandin, lewma
rayedarên Rojavayî biryar dane ku girtiyan bi xwe mehkeme bikin, ji ber ku bi
saya gefa rêxistinkirina DAIŞ'ê, dozên wan êdî nayê paşxistin.
Dadgehkirina
vekirî ya girtiyên DAIŞê, ku ji endamên biyanî yên rêxistinê dest pê dike, li
gorî yasayên navdewletî û navxweyî yên li ser terorê guncaw bê, tê wê wateyê ku
pêşnûmeyên berê ji civaka navdewletî re têk çûne û divê girtiyên DAIŞê li welat
û navçeyên ku tûşî êrîşên terorîstî bûne bên dadgehkirin. Civaka navdewletî
erkên xwe yên di vî warî de bi cih neaniye, yanî rêveberiya xweser li hember
metirsiya mayîn û girtina terorîstan li herêmên rojava bi tenê maye û ev jî
barê li ser milên rêveberiyê zêde kiriye.
Lê belê
rêveberiyê eleqeya xwe ya li ser pêwîstiya nûnerên Neteweyên Yekbûyî,
rêxistinên navneteweyî û herêmî ku bi erênî beşdar bibin û di dema darizandinan
de destekê bidin rêveberiya xweser venaşêre.
Di rastiyê de,
rêveberiya xweser ti piştgiriyeke derve wernegirtiye ji bo dadgehkirina
terorîstên biyanî yên DAIŞê, lewra rêveberî neçar e ku dadgeh û cihên taybet ji
bo dadgehan ava bike, nemaze ku metirsiya DAIŞê li ser navçeyê roj bi roj zêde
dibe.
Pirs ev e, gelo
rêveberiya xweser dikare di dadgehkirina van terorîstên DAIŞê de biserkeve?
Ev tenê
hewldaneke rewa ye ji aliyê rêveberiya xweser ve, ji ber ku navçeyên di bin
kontrola wê de tûşî hemû cûreyên terorê bûne û zêdetirî 12 hezar şehîd dane di
şerê dijî terorê de ligel hevpeymaniya navdewletî. Li şûna parastina zindanan,
rojane kiryarên terorîstî li deverên di bin kontrola rêveberiya xweser de têne
kirin, lewra her xirabbûna rewşa ewlehiyê li van deveran, tê wateya serhildana
girtiyên DAIŞê.
Di dawiyê de, em
hêvîdar in ku rêxistinên navdewletî guh bidin daxwaza rêveberiya xweser ji bo
dadgehkirina girtiyên DAIŞê yên ku li piraniya welatên cîhanê ji ber kiryarên
wan ên terorîstî ziyan dîtine.
PUKMEDIA
zêtir bibînin
-
Qubad Talebanî: Mirina çend endamên komeke çiyageran em hemû xemgîn kir
10:53 PM - 2024-05-03 -
Qubad Talebanî: Parastina azadiya çapemeniyê yek ji prensîbên min a siyasî ye
03:20 PM - 2024-05-03 -
Asayîşê dest danî ser kargeheke çêkirina madeyên hişber
06:08 PM - 2024-05-02 -
Rêveberiya Dijî Terorê girtina terorîstekî DAIŞê radigihîne
11:14 AM - 2024-05-02
zortrin xwendraw
-
Serok Bafil li Bexdayê ye bo hevdîtinê bi Mihemed Şeya Sûdanî re
Kurdistan 02:07 PM - 2024-05-03 -
Salvegera bombebarankirina Goptepe û Esker
Kurdistan 12:07 PM - 2024-05-03 -
Serok BafIl û Sûdanî: Divê qanûn bibin bingeh derbaskirina kêşeyan
Kurdistan 04:04 PM - 2024-05-03 -
Qubad Talebanî: Parastina azadiya çapemeniyê yek ji prensîbên min a siyasî ye
Kurdistan 03:20 PM - 2024-05-03 -
Serok Bafil û Helbûsî: Parastina jiyana xelkê û aramkirina welat
Kurdistan 06:55 PM - 2024-05-03 -
Dahata Silêmaniyê di heftiyekê de zêdey 26 milyar dînar e
Aborî 11:47 AM - 2024-05-03 -
Qubad Talebanî: Mirina çend endamên komeke çiyageran em hemû xemgîn kir
Kurdistan 10:53 PM - 2024-05-03