Rêkeftina YNKê û Goran hat wajo kirin

Rêkeftina YNKê û Goran

Îro roja yekşemê 20-6-2021`an li bajarê Silêmaniyê, civîna îmzekirina rêkevtina YNKê û Goranê birêve çû.

Her di wê merasîma hevpeymaniya Kurdistan de,  ku di navbera  Yekîtiya Nîştimanî ya Kurdistanê (YNK)ê û Tevgera Goran de pêkhatiye û hatiye morkirin û wajokirin, di destpêka wê mersîmê de, Rêkxerê giştî yê Tevgera Goranê Omer Seyid Elî gotarek pêşkêş kir û ragiahnd: Hevpeymanya Kuridstran di navbera Yekîtiya Nîştimanî ya Kurdistan û Tevgera Goran ê de pêkhatiye ku berhema zincîriyeyên ji kombûn û civînên jihevnaskirinê ku di navbera herdu aliyan de birêve çûne ye.

Hevserokê Yekîtiya Nîştimanî ya Kurdistanê (YNK)ê Bafil Talebanî jî di wê merasîmê de ragihand; Rêkeftina YNK-Goran dirêjpêderiya projeya Mam Celal û Newşîrwan e.

Hevserokê  Yekîtiya Nîştimanî ya Kurdistanê (YNK)ê Bafil Talebanî îro roja yekşemê di merasîma îmzekirina rêkeftina di navbera herdu aliyan de û di bin navê Hevpeymaniya Kurdistanê de, ragihand ku ev rêkeftin ne li dijî ti kes û aliyan e, ew ji bo yekîtiya rêzên gelê Kurdistan ê ye.

Her weha di daxuyaniya xwe ya di heyama wê merasîma wajokirina rêkeftina du alî YNKê û Goran de, Hevserokê Yekîtiya Nîştimanî ya Kurdistanê (YNK)ê Bafil Talebanî wiha ragiahnd; Rêkeftina YNK-Goran dirêjpêderiya projeya Mam Celal û Newşîrwan e û ji bo yekîtiya rêzên gelê kurd û Kurdistanê ye û ne li dijî ti aliyan e..

Talebanî aşkire kir ku ew careke din soz didin ku wê ti carî birayên xwe ji Tevgera Goranê bi tenê nehêlin û bi riya wajokirina vê rêkeftina di navbera Yekîtiya Nîştimanî ya Kurdistanê (YNK)ê û Tevgera Goranê de, ev dirêjpêderiya proje û bernameya serok Mam Celkal û Kak Newşîrwan e.PUKmedi

Her weha hevserokê  Yekîtiya Nîştimanî ya Kurdistanê (YNK)ê Lahur Şêx Cengî  di gotara xwe ya di merasîma wajokirina rêkeftina YNK-Goranê de aşkire kir ku Ez dixwazim ji yekrêziyê dirûşmê bo kirdar veghurim, evê îro em dibînin ku di navbera YNKê û Goranê de yek ji karên me ye.

Hevserok Lahur dibêje bi vê pêngavê me îro dikanî beşeke pir ji gelê xwe komî ser hev bikin ku ev jî berhema wê soza ku me dabû bi gelê xwe li ser rêkeftina Mam Celal û Kak Newşîrwan bû.

Hevserok Lahur di dirêjahiya axiftinên xwe di wê merasîmê de, aşkire kir ku em siyasetê ji bo xizmetkirina gel û welatê me dikin û em soz didin ku emê herdem berevaniyê li doza gelê xwe a rewa bikin û emê welat ber bi pêşv e bibin û hevpeymaniya Kuridstanê wek bilîlka çavên xwe emê biparêzin.

PUKmedia-Taybet