Gazinek bona pêdiviya hişyarbûnê


11/5/2021 14:42:00
Çapkirin
     .

Desteya sernivîser*
Diho wilo bû, îro jî wiha ye. Di zagona xweristê, cîhana ajal û ya qaşo mirovan de, tu cih, rêz û rûmet ji belengaz, sifîl û bêhêzan re tune ye, her qels ji xurt û hêzdaran re taştê û firavîn in! Di vî warî de, pêximberê Ola Islamê birêz Muhemed (Silavên Xwedê lê bin) Jî teqez kiriye ku: «Bawermendê xurtî hêzdar, ji yê qelsî sifîl çêtir e».

Îro,  ku em dîn û bala xwe bidin dewletên Ewropa Rojavyê, tevî ku ew dewletine azad, xwedî al, hêz û artêş in jî, lê da ku ew berjewendiyên xwe biparêzin û tu hêzên mezin wan tune nekin, danequrtînin, li Çiriya Paşîna sala 1991an Yekîtiya Ewropayê ava kirine ku hejmara wan îro bûye 27 dewlet û di cîhana me ya îroîn de ew xwedî deng, rol û rûmet in.

Di vê derbarê de, pirsek derdikeve holê bersivê dixwaze, ew jî ev e:
Ma em Kurd weku gel, li Rojhilata navîn, hejmara me ji 50 milyon morovî bêtir e, bi destên hêzên mezin ên cîhanê li gel xaka welatê xwe di nav 4 dewletan de hatine parçekirin û ji hemû mafan bêpar mane, nemaze ji wan mafên ku di belgeyên Rêxistina Navnetewî(UN) de cih girtine, ma gelo pêwistiya me bi rêkeftin û yekîtiyê ji ya hemû gelên cîhanê ne bêtir e?!, ma gelo çima û bo çi her û her me berê xwe daye hev û pişta xwe ji niyarên hebûna xwe re vekirî hiştî ye û kî di ber vî gunehê mezin de berpirsyar e?!

Dibe ku hin reşbîn bêjin: Bavo, qedera me Kurdan ev e, li ser eniya me hatiye nivîsandin ku wiha blindest, dîl û riswa bijîn! Lê, rastî ne wiha ye, rastî ew e ku bi pilan, dek û dolabên dagikeran ev, kuştar, bobelat û tewan hatine serê me û hê jî berdewam in, û dema li beşekî serhildanek çêbûye, bi lez û bez, neyarên me civiyane û bi hev re şerê wê kirine û têk birine.

Girîn, xwelomekirin, gilî û gazin tu sûdeyê nadine me, tê xwestin ku em şiyar bin, dest hilînin, bi hişmendî  û dilsozî li doza gelê xwe xwedî derkevin, rê li pêş nifşê nû dûz bikin, û derfetê bidin kesayetiyên xweser da ku hemû bi hev re rola xwe bilîzin, bi destên xwe êş û birînên xwe derman bikin û bawer bin ku bê pêkanîna yekîtî û hevgirtinê, her em ê dîl û bê rûmet bijîn!

Belavkirina vê çand û gotarê û xebat di ber de, erk û ustubarê hemû zana, rewşenbîr û siyasetmedarên Kurd e.
* Rojnama Newroz – hejmar /149/ – 10ê Gulana 2021 an – Ji weşanên Partiya Yekîtî ya Demokrat a Kurd li Sûriyê.

PUKmedia


 

Almanya; Xwendekareke Efrînî pileya neyab bi dest xist


Li welatê Almanyayê, Xwendekareke kurd a Efrînî pileya neyab di xwendina bakeloriyayê de bi dest xist.

Keçka kurd a Efrînî di dibistan&ec...


»  Dr. Kemal Sîdo rexne li Natoyê girt
»  Robîn Reşvan; Kurd bû ye navekî mezin
 

Hevdîtineke girîng bi Kobanî re


Hevdîtineke girîng ê Dengê Amerîkayê bi general Kobanî re.

Fermandarê Giştî yê HSD'ê Mazlum Ebdî di hevpeyvîna ...


»   Şehabê ser çiyan xemxwerê doza jiyan
»  Silêman: Tirkiyê bo têkbirina destkeftan fêlan di navberê kurdan de diçîne
 

Kesên berhemdar hîn di jiyanê de ne xelat bikin


Mamoste Omer Şêxmûs yek ji siyasetvanên kurd ên Rojavayê Kurdistanî ku bi rengê Kurdistanî bi bê hember xizmet û xebat i doza gelê ...


»  Vejîna YNKê berî 46 salan di dîroka gelê Kurd de gavek pîroz bû
»  Helwestên li barê girtina rojnamevanên Behdînanê bilindtir dibin

Karîkator