Bafil Talebanî: Ibrahîm Ehmed di nav kurdistaniyan de jiyaye

21mîn salvegera koçadawiya Ibrahîm Ehmed

Îro 21 sal bi ser koçadawiya mamosteyê xebatê siyasî û kurdayatî, ronekbîr , rojnamegerî mamoste Ibrahîm Ehmed re derbas dibe, bi wê bonetê hevserokê Yekîtiya Niştimanî ya Kurdistanê Bafil Talebanî peyamek belav kir.

Di peyamê de Talebanî got:
" Mamoste Ibrahîm Ehmed yek ji sembolên siyaset û niştîman perwer,rewşenbîr  û rojnamegeriya Kurdistanê di sedsalê borî de ye, siyasetmedarekî bîrtûj û dûrbîn bû ji bo xizmeta gel û serberziya gelê kurd dijiya.
Ehmed di jiyana xwe de bawer bi bîrî neteweyî û nûhbûnê hebû, di dema xwe de wek sekreterê partî hatibû hilbijartin û bingeheke nuh ji partiyatiyê re deyna û ji bo tevgera siyasî û xebata kurdayatî jiyana xwe terxan kir, rihê wî ya niştîmanperwer bibû eynekeke siyaseta partî ku hîşt xelk pêşwazî li wê hizbî bike û partiya Demokrat bû partiyeke mezin û karîger li Kurdistanê.
Îro di bîranîna wî kesayetê kurd ya mezin de,ji her wextekê bêhtir pêwîstiya me bi xebat û bîrî niştimanî û nuhkirinê heye û divê ku xebat û têkoşîna mamoste Ibrahîm Ehmed em ji xwe re bikin çirûsk û ronahiya jiyana xwe".
Rêz û silav li rihê pak a Ibrahîm Ehmed û şehêdîn rêka rizgarkirina Kurdistanê.

Hevseroka YNK Bafil Talebanî

PUKmedia taybet