Talebanî: Herêma Kurdistanê ji bo veberhênana biyaniyan ewledar e

.

Cîgirê serokwezîr Qubad Talebanî: Herêma Kurdistanê ji bo veberhênana biyanî herêmek ewledar e.

Cîgirê Serokwezîrê Hikûmeta Herêma Kurdistanê Qubad Talebanî, di dema beşdariya xwe ya serhêl di civîna Konseya Karsaziyê ya Fransa-Êraqê de, îro roja pêncşemê, 2/18/2021, ji pargîdanî û veberhênerên Fransî re, ku Herêma Kurdistanê ji bo veberhênanê herêmek ewledar û aram e û hukûmeta herêmê dê bi tu awayî rê nede dubarekirina bûyerên wekî ya ku çend roj berê li Hewlêrê qewimî.

Serokê Encûmena Karsaziyê ya Fransa-Êraqî, Arnaud Broyak, serokê Beşa Têkiliyên Derve li Hikûmeta Herêma Kurdistanê, Sevîn Dzayî, û nûnerê hikûmeta herêmê li Fransa, Ali Dolmer, û Konsolê Giştî yê Fransa li Hewlêrê jî beşdarî forûmê bûn.

Talebanî amaje bi pêngavên çaksaziyê yên hukumeta herêmê kir, û ragihand ku çend gavên girîng ên çaksaziyê di rabirdûyê de hatine avêtin, û di pêşerojê de, çendîn çaksazî dê di qanûnên kevn de bêne kirin, ku ew ê bibe faktorek bihêz ji bo kişandina veberhênerên biyanî û şirketên Herêma Kurdistanê.

Di aliyekê din ê forûmê de, Qubad Talebanî behsa stratejiya hukûmetê ji bo cûrbicûrkirina aboriya li herêmê kir, û işaret bi girîngiya sektorên çandinî û pîşesaziyê kir, ji ber ku şirket û veberhênerên Fransî, bi hevkariya hikûmeta herêmê û pargîdaniyên herêmî, dikarin di pêşxistina van her du sektoran de xwedî roleke girîng in.

Cîgirê serokwezîr amaje bi geşedanên dawîn ên diyaloga navbera Hewlêr û Bexdayê jî kir û got: ji bo ku hukûmetên herêmî û federal karibin veberhênerên biyanî bikişînin, pêdivî bi aramiya siyasî heye, û ji bo vê yekê jî rêkeftina di navbera Hewlêr û Bexda ji bo dabînkirina ewlehî û aramiyê li seranserê Iraqê faktorek xurt e.

 

PUKmedia-Taybet