Komên çekdar goristanên Efrînê jî didizin
kurdistani 09:38 PM - 2020-05-09.
Ji bilî kuştin û revandina welatiyên Efrînê û destdanîna ser mal û milkên wan, grûpên çekdar yên ji aliyê Tirkiyê ve têne piştevanîkirin, şûnwarên Efrînê û goristanan dişikînin û didizin.
Rêxistina Mafên Mirovan li Efrînê di raportekê de belav kir, grûpeke çekdar ligel hejmarek ji koçberên li Efrînê hatine bicihkirin, gorên goristana bajarokê Cindirêsê şikandine û kevir û kêlên sîramîk in jî diziyane.
Ev ne cara yekêye ku grûpên çekdar gor û cihên dîrokî û şûnwaran dişikînin û didizin, di meha Adara bûrî de jî, grûpa çekdar a bi navê Emşat bin mizgefta bajarokê Şiyê kolandibû û di encamê de minareya mizgeftê û beşek ji avahiya mizgeftê jî hilweşiyabû.
Ji dema dagîrkirina Efrînê ji aliyê artêşa Tirkiyê û grûpên çekdar ve û li gor zanyariyên Rêxistina Mafên Mirovan li Efrînê, grûpên çekdar li ber çavê serbazên Tirkiyê heta niha zêdetir ji 42 cihên şûnwarî, girên dîrokî û mezargehên olî kolane û wêran kirine û zêdetir ji 20 hezar perçeyên entîkan dizîne û veguhastine Tirkiyê.
Ji bilî ku di dema êrîşa li ser Efrînê de, gelek şûnwar û cihên dîrokî rastî bombebarankirina firokeyên şer yên Tirkiyê hatibûn, wek girê Eyn Dara ya dîrokî ku dîroka wê vedigere 2 hezar salan berî zayînê û keleha Teqilkê li çiyayê Lêlûnê. Komên çekdar û bi armanca lêgerîna li entîkeyan û têkdana nasnameya Kurdî, li ber çavê Artêşa Tirkiyê bi dehan cihên dîrokî, girên dîrokî, mezargehên pîroz û gorên kevnare û yên Êzidiyan şikandine û kolane.
Gelek rêxistinên parastina şûnwaran û Rêveberiya Giştî ya Şûnwar û Mûzexaneyên Sûriyê jî gelek caran bang li rêxistinên navdewletî, kesayetî û akademiyên cîhanê yên girîngiyê didin çanda gelan û şaristaniya mirovî kirine, sînorekê ji dagîrkiriya Tirkiyê û têkdana şûnwarên Efrînê re deynin û wan şûnwaran biparêzin.
Li Efrînê gelek cihên dîrokî hene, ji bilî Kela Horî, kela Samanê, şikefta Duderî, kenîseya Marmaron, mezargehên olî yên Musilman û Êzidiyan, nêzîkî 25 girên dîrokî hene, piraniya wan di ber çemê Efrînê re rêzkirî ne, ku dîroka wan vedigere hezar heta 2 hezar berî zayînê.
Danhev : Hişmend Şêxo
PUKmedia
hewal ziyatr
-
Dije Teror û Asayîşê derbarê rudawa li Silêmanî daxuyaniyek dan
04:47 PM - 2024-04-19 -
Konsulê Rûsyayê: Yekîtî di pêşxistina aştî û diyalogê de xwedî roleke girîng e
09:38 PM - 2024-04-18 -
Yekîtî ji bo hilbijartinan amade ye
08:03 PM - 2024-04-18 -
Komisyonê roja destpêkirina kampîên hilbijartinan ragihand
01:04 PM - 2024-04-18
zêdetir tamaşe bike
Yûsif Goran: Hilbijartin teke rêya derketina Herêmê ji wê rewşê ye
08:34 PM - 2024-04-19
Birîna 160 milyon dînar ji mûçeyê parlementerên ku beşdarî civînan nebin
01:35 PM - 2024-04-19
Dahata Silêmaniyê di heftiyekê de zêdey 7 milyar dînar e
10:31 AM - 2024-04-19
zortrin xwendraw
-
Dahata Silêmaniyê di heftiyekê de zêdey 7 milyar dînar e
Aborî 10:31 AM - 2024-04-19 -
Yûsif Goran: Hilbijartin teke rêya derketina Herêmê ji wê rewşê ye
Kurdistan 08:34 PM - 2024-04-19 -
Qubad Talebanî: Aramiya Silêmaniyê xeta sor e
Kurdistan 10:10 PM - 2024-04-19 -
Birîna 160 milyon dînar ji mûçeyê parlementerên ku beşdarî civînan nebin
Kurdistan 01:35 PM - 2024-04-19 -
Dije Teror û Asayîşê derbarê rudawa li Silêmanî daxuyaniyek dan
Kurdistan 04:47 PM - 2024-04-19