Yekemîn pêketî yê bi koronayê li Duhokê hat tomarkirin

Yekem haleta tûşbûna bi koronayê li Duhokê hat tomarkirin

 Wezareta Tendirustî ya Herêma Kurdistanê ragihand; Yekemîn vegirtê bi vîrusa Koronayê li bajarê Duhokê hat tomarkirin.

Li gor daxuyaniya Wezareta Tendirustiyê, kesê ku li Duhokê tûşî vîrusê bûye, mêrekî 50 salî ye û ji Almanyayê vegeriyaye Herêma Kurdistanê.

Wezareta Tendirustiyê dibîje, di berdewamiya pişkinîn û lêgerîna li dû gumanlêkiriyan, pêketiyê vîrusa koronaya nû COVID-19 li bajarê Duhokê hat destnîşan kirin, ku mêrekî temen 50 salî ye û ji welatê Almanyayê vegeriyaye, hejmara tûşbûyên vîrusa Koronayê li Herêmê gihêşte 40 kesan ku 29 kes li Silêmaniyê, 9 kes li Hewlêrê, li her yek ji Helebçe û Duhokê jî kesek tûşî vê vîrusê bûne.

Wezareta Tendirustî ya Herêma Kurdistanê û aliyên peywendîdar ên Hikûmeta Herêma Kurdistanê daxwaz ji hemwelatiyan dikin, ku pabendî rênima yên tendirustî yên taybet bi rûbirûbûna Koronayê bin û di dema pêwîst de peywendiyê bi hêla telefonê ya 122 bikin.

PUKmedia