Qelengê te buhaye Efrîna min
kurdistani 05:19 PM - 2020-01-21Hişmend Şêxo
Berî du salan weke îro Dewleta Turkiyê dest bi topbarankirina navenda bajarê Efrînê kir piştre agirê dagîrkeriyê li hemî gund û navçeyên herêmê belav bû.
Sed mixabin ji helwestên navdewletî re ku hiştin dewleta Tirkiyê bi hemî şiyan û hovîtiya xwe berê xwe bide gelê me yê kedkar, mirovhez û Azadîxwaz Herwiha di bin sûreta ( Fetih Elmobîn ) de berê van diz û pêxwasên ku bi navê ( Artêşa Azad) têne naskirin bidin Çiya , Navçe û gundên me.
Efrîna min tu hatî dagirkirin ji ber ku tu navenda zanistî , kurdewarî , hêlîna partîzan û şervana ye ji ber ku tu kilîta deriyê xewna Ehmedê Xanî ye.
Ey bûka welatê min tu hatî dagirkirin û cîhan hemî li hember ketina te stûxwar û rûreşe û îro jî tu ji hemiyan re bûyî mînak û hemî di wê kêferatê de ne çep û rast lêdixin , Lê tiştî ji hev dernaxin , Tenê dibêjin : ka em çi bikin û berê xwe bidin kê û kî dibe bila bibe ne xeme lê tenê bila li me wek Efrînê ne be.
Efrîna min
Ey pûta min a herî giranbihayê
Tu mizgîna min a herî bedewî
Gelo kê mizgîn dizî??!!
Ey gelê Azadîxwaza
Bi helkefta vê roja xemgîn ez bejina xwe li hember wan lehengên Efrînê ( şervan û sivîl ) û hemî xebatkarên gelê me ditewînim , Ew kesên leheng û dilêr ên jiyana xwe û her tiştên xwe erzan kirine û bi baweriya çanda kurdayetî xwîna xwe li ser vê xaka pîroz rijandine , ji bo berevaniya xaka kurdî û parastina rûmeta vî miletî.
Herwiha hemî kesên ku destê wan di vî şerî de hene û berê miletê me dane kuştin , penaberî û hilbûna ji mal û milkên xwe û bi taybetî kesên ku mayîn di mal û xaniyê sivîlan de çandine ez nefretê li wan tînim.
Di heman demê de Ez çavên zarokên Efrînê yên hêmin û jiyanhez maçdikim , Ew zarokên ku li kolanên bajarê xwe dilîstin û bi Dê û Bavê xwe re bûyer dişopandin , Dema dengê gurmîna topên celadan dibhîstin rondik ji çavên wan dimeşîn û bi dengekî bilind ji koraniya dil de diqîriyan û digotin Bila Erdogan me bikuje em hemî şervanên welatê xwe ne.
Bavo , Anê , Apo , Xalo
Efrîn nakevê ne?!
Mixabin pirsa kulîlkên me pirseke zehmet bû , bi pirsa wan re solix teng dibûn gup gupa lêdana dilan zêdetir dibû , Girî dikete gewriya mirov ,Tu kelgirî dibû lê te nikarî bersiva wan zarokan bida û wan jî bi nerîneke melûl li hev temaşe dikirin.
Ez çavên wan zarokan yek bi yek maç dikim û siberojeke xweş ji wan re dixwazim û Ez bi wê hêviyê me ku ew bibin pêşengê gelê xwe.
Pîra Sînem a ku li ser alavên ragihandinê weke bajarê xwe hejar û bê xwedî xuyadikir û bi hestên xwe yên nazik nûnertiya Efrînê dikir û wisa digot :
( Qurban Ji Êvarî de heya niha gim û gim û gim û gim lêdixê xelk nikanê , Canî xwe xilas dikê
Kesî min tune yawrim xudayekî min bi tenê heye
Kesî min tune ye).
Bi rastî wê pîrejina dilovan bû simbolek ji êş û azariya bajarê xwe re , ji ber ku bi rastî kesekî Efrînê tunebû
Kesî negot çima ev mileta tê kuştin û çima ev bajara tê wêran kirin….
Ez pîra Sînem silav dikim û tenduristiyeke baş jê re dixwazim.
Ez germtirîn silavên xwe li wan Dost , Heval , Cîran û hogirên xwe yên di jêrzemînan de dikim , Ew dostên ku me bi hevdu re kêliyên mirin û jiyanê parve dikirin.
Ez hemî xebatkarên tevgera netewî ya kurdî silav dikim û bi taybetî kesên ku hatine girtin û li ser destê wan pêxwasan kotek , şewat û îşkence dîtine ez wan xebatkaran silav dikim û bang li hemî partîzanan , kesayetiyên serbixwe û xebatkarên tevgera rêzaniya kurdî dikim û ji wan re dibêjim : Ber bi xebateke zêdetir da ku êş û dagîrkeriya Kurdaxê , Serê Kaniyê , Girê sipî neyê Cizîr û Kobaniyê û ji bo serkeftina doza netewî ya kurdî û pêkanîna xewn û hêviyên gelê me di welatekî Azad û Demoqrat de.
Hêvîdarim di bîranîna sêyem de gelê me li xaka xwe vegere û Hemî Efrîniyên li welêt û li derveyî welêt vegerin mala xwe û hemî bi hevre birînên bajarê xwe derman bikin.
Li dawiyê bi qêrîna şîrmij û zarokên Efrînê , bi lîliyên dayikan û bi nalînên partîzanan ez dibêjim :
Kula dilê min Efrîn
Herdem maye dilbirîn
Bimînin di xweşiyê de
Hûn tev bijîn di Evîna welatê xwe de
20 / 1 / 2020
Hişmend Şêxo
Endamê Komîta Navendî ya Partiya Demoqrat a Pêşverû ya Kurd li Sûriyê
hewal ziyatr
-
Xanima Yekem banga bilindkirina rola jinan di medyayê de dike
09:42 AM - 2024-03-28 -
Guhertinên nav Ragihandinê ya YNK’ê dê bên pêkanîn
09:02 PM - 2024-03-27 -
Navenda Lêkolînê ya YNK’ê dest bi avakirina kapasîteya partiyê ya xwendina bilind kir
06:23 PM - 2024-03-27 -
Dîdara Silêmaniyê dê di meha nîsanê birêve biçe
12:24 PM - 2024-03-27
zêdetir tamaşe bike
Serok Bafil ji nûnerê Serokê Rûsyayê re: Em ê li pey çareseriya aştiyane bin
11:21 PM - 2024-03-28
Serok Bafil piştrast dike: aktîvkirina hewlên ji bo derbaskirina zehmetiyan
10:34 PM - 2024-03-28
Serok Komar: Derengxistina mûçe bandor li rewşa jiyana herêmê kir
06:03 PM - 2024-03-28
Berdevkê YNKê: Me xwe û lîsteya namzedan amade kiriye
01:34 PM - 2024-03-28
zortrin xwendraw
-
Dema wergirtina lîsteyên namzedan hat dirêjkirin
Kurdistan 12:38 PM - 2024-03-28 -
Berdevkê YNKê: Me xwe û lîsteya namzedan amade kiriye
YNK 01:34 PM - 2024-03-28 -
Serok Bafil piştrast dike: aktîvkirina hewlên ji bo derbaskirina zehmetiyan
Cîhan 10:34 PM - 2024-03-28 -
Serok Komar: Derengxistina mûçe bandor li rewşa jiyana herêmê kir
Êraq 06:03 PM - 2024-03-28 -
Serok Bafil ji nûnerê Serokê Rûsyayê re: Em ê li pey çareseriya aştiyane bin
Kurdistan 11:21 PM - 2024-03-28 -
Letîf Nêrweyî: Serdana Serok Bafel girîng û hestiyar bû
Kurdistan 10:50 AM - 2024-03-29