Zarokeke Efrînî; Mam Celal parêzvanê zarokan bû

Vejîn Efrînî

Nêrîna zarokeke Efrînî ku wek çalakvaeneke Rêxistina Hawar a Parastina Zarokên Efrînê tevdigere Vejîn Murşid Efrînî jî di bare roja koçkirina dawî yê serok Mam Celal wiha got; Nûçeya koça dawî ya Mam Celal ji min re gelek nexweş bû, ji ber ku min ji bavê xwe re gotibû, ez dixwaz im serok Mam Celal bibînim û derbarê rewşa zarokên Efrînê bipeyvim tako ez nameya zarokên Efrînê jê re bibêjim.

Vejîn dibêje ku ew wek zarokeke Efrînî pir caran dixwast ku serdana Mam Celal bike û spasiya Mam Celal bike ku gelek hevkarî û alîkariya Kobanê bi riya Amerîkayê kir û zarokên Kobanê ji DAIŞê rizgar kir û parast û nave niviyê xwe yê nûbihar lawê kak Bafil lê kir Kobanî, ev yek pir bala min kişand û min xwest ez wî spas bikim, lê mixabin ew derfet ji min re derneket ku ez Mam Celal bibînim.

Ji min re Mam Celal wek zîrektirîn û jîrtirîn serok li Êraq û Herêma Kurdistanê bû, ew xizmetî hemû gelê Kurdistanê dikir, ji zarokan hez dikir û zarok diparest û rê nedida ku zarok werin kuştin.

Ez ji Yekîtiya Nîştimanî ya Kurdistanê daxwaza wê yekê dikim ku wek çawa Mam Celal ji mêj ve alîkarê kurdên Rojavayê Kurdistanê bû, ew jî alîkarê zarok û penaberên Efrînê bin, çi li vir û çi li Şehbayê û çi li hundirî Efrîn.

Ji welatên mezin ên cîhanê bixwazin ku Tirkiyê ji Efrînê derkeve û bila zarokên Efrînê azad û serbest bibin. Tako Efrîn aram û azad be, ez daxwaza vê xwestekê ji YNKê û tevahiya aliyên siyasî kurd heman daxwazê dikim ji ber ku heya Efrîn rizgar ne be, Kurdistan jî kok serbixwe na be.

PUKmedia