Li Semawe gorên bikom vekirin

Li Semawe gorên bikom vekirin

Tîma Niştimanî ya Gorên Bikom li Semawe dest bi vekirina pêncemîn gora bikom kir ku hemû ‎rûfatên nav gorê Kurd û xelkê devera Germiyan in û di serdema hikûmeta Baas de hatine ‎kuştin û bikom hatine binaxkirin,ku piraniya wan rûfatên nav gorê yên jin û zarokane.‎

Rêvebirê Rêveberiya Gorên Bikom li Wezareta Şehîd û Enfalan Sîrwan Celal da zanîn ku li qezaya Selman ser bi ‎parêzgeha Semawe dest bi vekirina goreke din a bikom kirine,û piştre dest bi vekirina du ‎gorên din dikin ku 400 rûfat di hersê goran de ne.‎.
Li gor amarên Rêveberiya Gorên Bikom li Wezareta Şehîd û Enfalkiriyan, ji sala 2004ê e çar ‎gorên bikom hatine vekirin, hemû rûfatên di nav wan de Kurd û xelkê devera Barzan û ‎Germiyan bûn.
Tîma Niştimanî ya Gorên Bikom ku ji Wezareta Şehîd û Enfalkiriyan a Hikûmeta Herêma ‎Kurdistanê, Dezgeha Şehîdan a Iraqê û Peymangeha Pizîşkiya Dadwerî ya Bexdayê pêk tê, ji îro ‎ve heta 1ê Tebaxê hersê gorên bikom ên li Semawe vedikin.

PUKmedia