Wezîrê Aborî yê Sûriyê: Bi beşdariya Rûsya proseya jinûve avakirinê destpê dike

Wezîrê Aborî yê Sûriyê: Bi beşdariya Rûsya proseya jinûve avakirinê destpê dike

Wezîrê Aborî û Bazriganiya Derve yê hikûmeta Sûriyê, Mihemed Samir Xelîl da xuyakirin ku dê bi beşdariya kompaniyên Rûsiya, proseya herî mezin a jinûve avakirinê li Sûriyê destpê bike.

Mihemed Samir Xelîl got, wan di dema berê de jî gelek rêkeftin bi Rûsyayê re îmze kiribûn, lê ew hewl didin tevgera bazrirganî di dema bê de zêdetir bikin, û got jî “Bêguman ku li Sûriyê ji destpêka şer û heya niha em bi kar û erkên xwe radibin, daku em bikaribin di aliyê aborî de pişta me hebû û bihêz be, lê bêguman, tevahiya welatan jî nikarin bi tenê bimînin û nikarin xwe ji giringiya hevkariya bazirganî û aborî bi welatên din re dûr bixin.”

Samir Xelîl da xuyakirin ku Sûriye hewl dide têkiliyên xwe bi Rûsya û welatên dost û hevpeyman re xurt bike û diyar kir: “Îro Sûriyê berê xwe daye rojhilat û dixebite, daku têkiliyên xwe xurttir bike û di serî de jî Rûsiya federal, destnîşan jî kir ku hevkariya aborî di navbera Komara Erebiya Sûriye û Rûsyayê de pêşketiye, ku hejmareke giring ji rêkeftinan hene.

Di aliyê hevkariya girêdayê warê weberanînê de jî Xelîl got gelek Kompaniyayên Rûsya hene, ku xwedî ezmûneke giring in, Sûriye jî rijd e ku ev kompanî amade bibin û di dema despêkirina proseya jinûve avakirinê de, divê ew bibin hevparên herî giring, bi taybetî ku niha berê Sûriyê li proseyeke gelekî mezin a jinûve avakirinê ye, ku wê proseya herî mezin ya jinûveavakirinê li seranserê dunyayê be.”

PUKmedia/Ajansan