Rewşa tenduristiya Leyla Guven pir xerape

Parlemetera HDPê Leyla Guven

Rewşa tenduristiya parlementera kurd ya HDPê têkçû ye.

Hat ragihandin ku peyvdarê fermî yê Komîsyona Mafperwerî û Mafên Mirovan ku di heman demê de endama Desteya Rêvebir a Navendî ya HDP’ê Ayşe Acar Başaran derbarê rewşa tenduristiya berxwedanvana kurd Leyla Guven daxuyaniyeke bi nivîskî weşand ku tê de dibêje; “Parlementera me ya Colemêrgê Leyla Guven ji 8’ê Mijdarê ve di greva birçîbûnê ya bê dawî de ye. Tenduristiya Leyla Guven di asta pir xerap de ye û metirsî jî heye.

Di daxuyaniya peyvdarê fermî yê Komîsyona Mafperwerî û Mafên Mirovan wiha dirêjahî pê dide û aşkire kir; “Leyla Guven 64 roj in di greva birçîbûnê de ye û di hefteya dawî de nikare derkeve hevdîtina parêzerên xwe. Rajena Leyal Guven 55-60 û tansiyona wê jî 5-7 e. Ji ber greva birçîbûnê Leyla Guven êdî nikare avê jî vexwe. Ligel ku qawîşa Leyla  Guven nêzî cihê hevdîtina bi parêzeran re ye, Leyla nikare derkeve hevdîtinê.“

PUKmedia