Qeryo; ‘Rêveberiya Xweser sîwana rêveberî û meclisên sivîl e’


9/9/2018 12:01:00
Çapkirin
     Hevseroka Meclisa Giştî ya Rêveberiya Xweser Sîham Qeryo

Hevseroka Meclisa Giştî ya Rêveberiya Xweser a Bakur û Rojhilatê Sûriyeyê Sîham Qeryo diyar kir ku erka Rêveberiya Xweser a Bakur û Rojhilatê Sûriyeyê  koorîndeyekê di navbera 7 rêveberiyên ji Cizîrê, Firat, Efrîn û rêveberiyên sivîl ên Minbic, Teqa, Reqa û Dêrazorê de  ava bike.

Hevseroka Meclisa Giştî ya Rêveberiya Xweser a Bakur û Rojhilatê Sûriyeyê Sîham Qeryo di destpêka Şoreşa Sûriyeyê de berpirsa Yekîtiya Jinên Suryan şaxê Hesekê bû. Piştî ragihandina Rêveberiya Xweser a Kantona Cizîrê, Sîham ji bo hevserokatiya Desteya Aborî û Bazirganiyê ya Kantona Cizîrê hate hilbijartin û piştre Sîham ji bo hevserokatiya Desteya Têkiliyên Derve ya kantonê hate hilbijartin.  Herî dawî di civîna rêveberiyên xweser û herêmî de ya ji bo avakirina rêveberiyek xweser ji bo bakur û rojhilatê Sûriyeyê û koordîneya di navbera rêveberiyan de hatibû lidarxistin, Sîhma Qeyro û Parêzer Ferîd Etî weke hevserokên Rêveberiya Xweser a Bakur û Rojhilata Sûriyeyê hatin hilbijartin.

Di hevpeyvînek bi ajansa me re Hevseroka Rêveberiya Xweser a Bakur û Rojhilatê Sûriyeyê Sîham Qeyro got":Meclis, piştî destkeftiyên ku gel û QSD'ê bidestxistine hate avakirin. Meclis hemû pêkhateyên herêmê di nav xwe de dihewîne. QSD'ê herêm ji Til Hemîsê ta bajarê Reqayê ji terorê rizgar kir. Ew hêza tekane ya ku herêmên Sûriyeyê ji DAIŞ'ê paqij kiriye ye."

Sîham wiha domand: "Piştî gelek nirxandin û nîqaş di nav rêveberiyan de li ser pêşxistina mekanîzmeya kar û pêşkeşkirina xizmetê ji welatiyan re, gava avakirina rêveberiyek giştî ji bo herêmên Bakur û Rojhilatê Sûriyeyê hate avêtin."

Sîham tekez kir ku ji erk û peywirên rêveberiyê ew e ku pêdiviyên şêniyên herêmê peyda bike, her wiha  ew sîwana rêveberî û meclisên sivîl de ue û koordîneya di navbera 7 rêveberiyên ji  Efrîn, Firat û Cizîr û meclisên Tebqa, Reqa, Minbic û Dêrozrê ava bike.

Her wiha Sîham destnîşan kir ku ji destpêka ragihandina rêveberiyên xweser û ji bo têkbirina projeyê, gelek bertek û êrîş li hember projeyê de hatin nîşandin û wiha pê de çû:ʺLê ev rê li ber bidestxistina destkeftiyan negirt. Berovajî wê herêmên Bakurê Sûriyeyê bi saya hêz û vîna ewladên xwe teror ji herêmê qewirandin û gelek destkeftî di hemû waran de bi dest xistin."

Sîham gotinên xwe wiha domand: "Meclisa Sûriyeya Demoratîk nûnertiya hemû gelên herêmê dike û ji ber xebatên xwe di xizmetkirina civakê de, Hêzên Sûriyeya Demokratîk (QSD), MSD'ê weke sîwana siyasî ya hêzên xwe pejirand. Her wiha MSD'ê di kongraya xwe ya 3'yemîn de û di encama xebatên xwe de, birayar da ku bibe sîwana hemû rêveberiyên xweser û meclisên herêmî. Ji ber wê di 6'ê Îlonê de di civînekê de li navçeya Eyn Îsayê Rêveberiya Xweser a Bakur û Rojhilatê Sûriyeyê hate avakirin."   

Di dawiya gotinên xwe de Sîham Qeyra wiha got: "Em bi hêvî ne ku rêveberî ji bo gelê Sûriyeyê û Rojhilata Navîn bibe mînak. Em bi yekîtiya xaka Sûriyeyê re ne. Armanca me, avakirina civakek azad, demokratîk, pirengî û ne navendî ye."

PUKmedia-ANHA


 

Dageha Ewropayê Tirkiye şermezar kir


Dageha bilind a mafên mirovan a Ewropayê Tirkiye bi tundî şermezar kir.

Dadgha mafên mirovan ya Ewropayê hewldanên Erdoxan bi girtin û toqandina we...


»  Bijîşkekî kurdê Kerkûkê bi Koronayê jiyan ji dest da
»  Keçkeke kurd bi Koronayê jiyan ji dest da
 

Helîm Yûsif : Elî şemdîn û (Deriyê Din) 1


Di (13/8/2017)`an de, li bajarê Silêmaniyê, Helîm Yûsif (Nivîskar û pêşkêşkarê bernama Deriyê Din, di kenala Ronahî.tv de), e...


»  Xwedî Peyv im
»  Zarokeke Efrînî 13 salî kilpeke bedew derxistiye
 

Ziman nasnameya gelan e


Di serî de, ji bo vê roja pir pîroz û watedar, ez we tevahiyan bi zimanê zikmakî ya Kurdî û Kurdistanî silav dik im û çavên ...


»  Di bîranîna 122 saliya Roja Rojnamegeriya Kurdî de
»  COVID-19 guhertina sîstema gerdûnê ye

Karîkator