Eladîn Xalid: Ji diyaloga giştî û niştimanî re erê


30/7/2018 17:59:00
Çapkirin
     Eladîn Xalid: Ji diyaloga giştî û niştimanî re erê

Serokê baskê herêma Şehbayê ya Partiya Pêşerojê ya Sûriyeyê Eladîn Xalid destpêkirina diyaloga siyasî ya niştimanî silav kir û got ku divê hemû aliyên Sûriyeyê li ser heman maseyê bicivin, ji ber ku çareserkirina hemû nakokiyên Sûriyeyê bi diyalogê pêk tê.

Girêdayî helwestên der barê hevdîtinên Meclisa Sûriya Demokratîk (MSD) û hikumeta Sûriyeyê de, serokê baskê herêma Şehbayê ya Partiya Pêşerojê ya Sûriyeyê parêzer Eladîn Xalid ji ajansa me ANHA'yê re axivî.

Xalid destnîşan kir ku ev hevdîtinên di navbera MSD'ê û hikumeta Sûriyeyê de ne ji nişka ve bû û beriya wê gelek serdan û parvekirina nêrînan pêk hatine.

Xalid got ku wek Partiya Pêşerojê ya Sûriyeyê ji dema hatiye damezirandin ve ew banga diyaloga giştî û aştiyane dikin ji ber ku ew çareseriya bingehîn e û wiha anî ziman: "Cihê terorê li ser axa Sûriyeyê tune ye û divê şer jî di Sûriyeyê de bi dawî bibe."

Xalid da zanîn ku ew li dijî terorê xebitîne û helwesta wan heman helwesta partiyên demokratîk e ku baweriyê bi çareseriya siyasî û aştiyane dikin û wiha domand: "Ji ber şer Sûriye hate hilweşandin û welatiyên wê şerpeze bûn. Em amade ne bi hemû aliyên Sûriyeyê re bicivin û hevgirtina hemû pêkhateyên Sûriyeyê biparêzin."

Xalid destnîşan kir ku tecrubeya Rêveberiya Xweseriya Demokratîk li Bakurê Sûriyeyê mînaka demokrasî û piralîbûnê ye û di vê rêveberiyê de hemû pêkhateyên Sûriyeyê beşdar in û divê hemû aliyên Sûriyeyê li  ser heman maseyê bicivin, nakokiyên di navbera aliyan de bi rêbazên aştiyane çareser bikin.

Girêdayî hevdîtinên MSD'ê li Şamê Xalid wiha got: “Ev civîn dê kevirkoşeya danûstandinan bi cih bikin û dê komîteyên ji bo danûstandinan ava bikin.”

Serokê baskê herêma Şehbayê ya Partiya Pêşerojê ya Sûriyeyê Eladîn Xalid di dawiya axaftina xwe de hevdîtinên MSD'ê bi hikumeta Sûriyeyê re silav kirin û hêvî kir ku çareseriyeke siyasî û aştiyane were pêkanîn û Sûriyeyeke demokratîk, piralî û nenavendî were avakirin.


ARIF SILÊMAN / ŞEHBA

PUKmedia-ANHA


 

MSDê bi wezareta derva ya Amerîkayê re civiya


Encûmena Sûriye Demokratîk (MSD)ê bi wezareta derva ya Amerîkayê re civiya.

Di wê barê de, kordînesyonê ragihandina MSDê li...


»  Akam Elî kurdekî penaber wek palawan hat naskirin
»  Almanya; Buyereke hatûçûnê 4 Efrînî birîndar bûn
 

Şêx Alî: Mam Celal piştgirê me hemûyan bû


Di hevpeyvîneke xwe de, sekreterê giştî yê Partiya Yekîtiya Kurd li Sûriye PYDK.S Mihyedîn Şêx Alî  ji PUKmedia`yê re da zanîn...


»  Karwan Enwer; YNKê şerî ragihandin nekirî
»  Bernameya Ji Rojavayê guhdar bikin
 

Hevbîr û hevdozê Mam Celal Adil Murad ji bîr na be


Hevbîr û hevdozê Mam Celal Adil Murad ji bîr na be
19/8/2019 17:06:00
*Nemir Adil Murad hevalê hevbîrê Mam Celal bû

Piraniya ali...


»  Şêx Alî: Mam Celal piştgirê me hemûyan bû
»  Di salvegera şoreşa 19ê Tîrmehê de Efrîn min biborîn e

Karîkator