Komên Çekdar Genimê Efrînê Diçinin û Dişînin Tirkîyê


5/6/2018 15:56:00
Çapkirin
      Newroz Reşo

Cotkarên Efrînê di destpêka demsala havînê de mûsima genim diçinin, lê îsal cotkaran nekanîbû genimê xwe berhev bikin, çimkî artêşa Tirk û komên çekdar yên pê re, dest danîne ser zevîyên wan.

Di vê derbarê de hin jêderan ji Dengê Amerîka re ragihand ku artêşa Tirk patoz û alavên dirûna genim derbazî herêma Efrînê kirine û komên çekdar genimê cotkarên Efrînê diçinin û dişînin bajarê Hatayê li Tirkîyê.

Jêderên ji hindurê Efrînê, ku jiber sedemên ewlehîyê nexwestin nasnameya xwe eşkere bibe, agahî didin xwendevanên me.

“Komên çekdar dest danîne ser zevîyên koçberan û nahêlin ku cotkarên li Efrînê mane berhema genim ji zevîyên xwe berhev bikin, ger ji sedî 20an bacê nedin.”

Jêderan behskirî anîn ziman ku her kesê ku hewil dide li hember komên çekdar bisekine, tê girtin û êşkence li wan tê kirin.

“Wek li gundê Şedîya û Memila rûdaye ku çekdarên îslamî gef li gundîyan xwarine ku genimê xwe neçinin. Koma Sultan Murad 3000 çiwal genim ji 60 hektar zevîyên cotkarê Efrînî Hikmet Celûsê Zada li devera Kurtikê ya Şera çinîne û agir berdane 10 hektar erdên din”.

Jêderan bi berdewamî dîyar kir ku komên îslamî ji her 5 embar genim, 2 embaran desteser dikin.

“Ew firotina berhema genim bi buhayeke erzan li cotkaran ferz dikin. Ji cotkaran bi 90 lîreyan dikirin û piştre bi 175 lîreyan difroşin. Komên çekdar piştî desteserkirina Efrînê 5 hezar ton genim ji depoyên genim li devera Mîra dizîbûn û veguhastibûn Tirkîyê”.

Hêjayî bi bîrxistinê ye ku li kêleka zeytûnan, çandina genim yek jî berhemên girîng ya herêma Çîyayê Kurmênc e û Rêvebirîya Xweser jî alîkarîya tov û semad dide cotkaran.     Newroz Reşo

PUKmedia-VOA


 

Brîtanya; Jineke kurd hat xelatkirin


Jineke kurd ji ber afrandineke nû ve hat xelatkirin.

Li welatê Birîtanyayê jina kurd Faniya Îsmaîl ji ber afrandina madeyeke nû ya berevanîki...


»  YNKê beşdarî serxweşiya Mîr Tehsîn bû
»  Malbateke kurd Yanesîbekî mezin jê re derdikeve
 

BIRADOSTÊ MÎTANÎ: NAVÊN MÎREŞÎN Û DEWLETÊN KURDÎ JI SALA 637z VE


Xwendevanên hêja : Gelo , ji dema hatina misilmanan ve 637z me Gelê KURD carinan desthilatî û xomanî li ser xaka xwe ya KURDISTAN&Ec...


»  Mam Celal Sembola Netewe Ya Kurd
»  El-Idlibî: Heke rêjîm Idlibê bigire dê ji bo Tirkiyê ziyaneke mezin be
 

DGK stêrkek ji rastiya ragihandina Kurdî ye..


Di helkevta 40`mîn ya salvegera damezrandina Radyoya Dengê Gelê Kurdistanê ku hilgirê Peyam û rêbaza Mam Celal e, germtirîn pîrozbahiyên ...


»  Ansata Navendî girîntirîn jêder e
»  Hawarê 15`mîn ya serhildana 12ê adarê pîroz kir

Karîkator