Hozan Efrînî: Berxwedana Efrîn î hîn berdewam dike

Hozan Efrînî: Berxwedana Efrîn î hîn berdewam e

Efrînî dibêje ku sedema binpêkirina maf û azadiyên li Efrînê tev li stuyê Rûsiya û Tirkiyê ne.

Roja Duşemê Çalakvanê Siyasî Hozan Efrînî di dexuyaniyeke taybet de ji PUKmedia`yê re ragihand ku pêngava Guhartina Demografîk li Efrîn ê hîn jî bi awayekî pir metirsîdar berdewam e û sedema binpêkirina maf û azadiyên li Efrînê ku Efrîn kirine zîndaneke mezin tev li stuyê Rûsiya û Tirkiyê ye.

Her weha Efrînî tekez kir ku dewleta Tirk ferman daye komên çekdar ên ser bi opozisyona Sûrî ku rê nedin bi koçberên Efrîn ê ku vegerin bo nav mal û milkên xwe û anîna penaberên Gotayê û niçtecihkirina wan di navçeyên Efrîn ê de, her di heman demê de, bicihkirina wan malbatên Gotayê û Dumêrê di nav malên sivîlan de û bi astangkirina vegera sivîlên Efrîn ê yên resen, projeya dagîrkerî ku bi pileya yekem Guhartina Demografîk li xwe digre berdewam dike.

Efrînî amaje bi wê yekê jî kir ku bêhtirî ji 30`hezar nûştecihên tax û gundewarên Efrîn ê ku niha li ber sînorê Efrîn û Şahbayê ne û dixwazin derbasî nava Efrînê bibin, nikarin vegerin nav mal û milkên xwe ji ber ku lîjneya ewlekwriya ya ser bi hikûmeta Sûrî ya demî ku girêdayî Koalisyona Sûrî ye dest deynaye ser mal û bi dehan bax û zevî û donimên erdên Zeytûnên Efrîniyan.

Di dirêjahiya axiftina Hozan Efrînî ji PUKmedia`yê re tekez kir ku Berxwedana gelê Efrîn ê hîn berdewam e êdî gel nikare ew hemû kiryarên nemirovî ên komên çete ku derheqî gelê kurd li Efrînê dikin bipejirînin û ew kiryar tev li stuyê Tirkiyê û Rûsiyayê de ye, ji ber ku ew her du dewlt sedema destdirêjiyên komên çekdar in û ew derfetê didin bi wan, bi taybet dema ku Rûsiya derfeta dagîrkirinê daye Tirkiyê û rewa kir, wê demê hemû kiryar ketin stuyê Rûsiyayê ji ber ku Efrîn di jêr parastina sîtema ewlehiya Rûsiyayê de bû.
 
PUKmedia  taybet