Efrîn: Rêvana yekîna malbatê hat terorkirin

.

Li Herêma Efrînê ya ku Tirkiyê dagîrkirî, zarokê 6 salî Rêvana yekîna malbatê hat terorkirin.
Di wê barê de, li gorî şopandina PUKmedia`yê ji rûpela fermî ya Rêxistina Hawarê ya Parastina Zarokên Efrînê ku jêdereke agahdar ji rêxistina Hawar ya Parastina Zarokên Efrînê re ragiahandiye ku di hefteya borî de, li navçeya Kefircenê ya ser bi Şera li Efrînê, di encama şer û pevçûnên di navbera Komên çekdar ên Sûrî ku ser bi Tirkiyê ve ne, zarokeke kurd ji malbata Hemduş bi navê Rêvan Xandevan Hemduş 6 salî jiyana xwe ji dest de.
Wek hate zanîn ku ew şer û pevçûnên rûdane, ji ber dizîn û kel û pelên ku ji xelkên Efrînê diziyene û di nava xwe de parvedikin, ji ber nelihevkirinê, ew bi hev du ketine û Rêvana 6 salî jî bû bi qurbaniya şerê di navbera wan de.

Hêjayî gotinê ye ku piştî dagîrkirina Tirkiyê ji Efrînê re, komên çekdar ên bi navê Artêşa Azad, bi awayekî pir hovane, dest bi girtin û lêdana xelkên sivîl ên Efrînê kirine û hemû kel û pelên wan dizîne û dest dane ser mal û milkên wan û bi biryara Rûsiya û Tirkiyê, nêzîkî 150 hezar kesên Ereb ji Gota û Duma û Dumêr derbasî Efrînê kirine û li Cindirêsê kampeke taybet ji wan re saz kirine û li gelek gundên ber sînor jî bi cih kirine û hemû dunya jî bê deng e.

PUKmedia-Şopandin