Êdî Vedengê bi kurdî bixwînin

Êdî Vedengê bi kurdî bixwînin

Xwendevanên hêja……
Rojnama VEDENG (û rûpela wê ya iliktronî) , rojnameyek e serbuxe ye, weşaneke nîv mehan e ye û tê belavkirin li hemî pêkhateyên kantona Cizîrê , ji layê nirxê diravî ve bexşane ye û hember wê tu pere nayên wergirtin ji tu kesekî .
Mebesta serek e jê, parastin û pêşketina ziman, çand, huner û wêjeya kurdî ye bi hemi reng û cureyên xwe ve .
Zêdeyî wilo, em dixwazin ji keda helbestvanan, rewşenbîran, nivîskaran û hunermendan bilind bikin û vî warê balkêş zengîn bikin û têkiliyan bi lêkolînên dîroka kurdî ve xurtir bikin .
Ji lewra, VEDENG xwe dibîne malbateke ragihandinî sereke ku deriyê xwe ji her kesî re vedike û derfetê dide hemî mirovan bê cudahî ku cihê xwe li ser rûpelên wê bibîn e .
Ji aliykî din, baweriya me heye ku rûpelên VEDENG zengîn dibe bi beşdariya pênûs û ramanên renge reng ji aliyê her kesî ve .
Em têkiliyên xwe fere dikin bi teyibet bi nifşên nûhatî û jinê re , bi armanca avakirina civakek KURDÎ tê de nifşê nû xwedî helwesteke kurdî netewî be , grêdayî bi çanda xwe ve be bi hemî cureyên wêja kurdî ve, bo bikaribe wan cureyan bikar bîne di jiyana xwe ya rojane de . Wilo giringiya rola jina KURD jî dibînin , li gor em zanin ku hijmarek ji navên jina kurd di çanda KURDÎ de heye û balkêş e mîna roniya stêrkan li asîmanê di şeva tarî de ronî didin , lê wilo jî ji sedema rêzik û helwestên kilasîkî ji sînordana rola jina KURD re hiştin ew jêdera ava kehniya wêjeya KURDÎ kêm bibe , lewra em weke VEDENG KURDÎ tiyên berhemên jina KURDIN dema ji me re tên , em bi dilekî geş wan berheman himbêz dikin û diweşînin.
Berhehmên tên weşandin rengereng in : Helbest, çîrok, gotar,pend , metelok, hevpeyivîn û nûçeyê rewşenbîrî ne.
Di dawî de, em bi hêvîn e ku em bikaribin xizmeteke hêja bikin diber wêje û çanda kurdî de û nameya xwe ya rewa bi gihînin we, tevî ku em dilxweşin bi rexnên we, bo em bikaribin kêmasiyên xwe sererast bikin .
Xwedevanên hêja : Hûn dikarin berhemên xwe rêkin ji me re li ser van navnîşanan:
Facebookên : Biradostê Mîtanî
Azad Xalid
JÎRO MÎTANÎ
Desteya sernivîser

PUKmedia