Piştî 1’ê Kanûna bê dê ne wek ya berê be!-Şêrwan Yûsif
kurdistani 05:22 PM - 2017-11-24Piştî 1’ê Kanûna bê dê ne wek ya berê be!-Şêrwan Yûsif
Dijminên gelê kurd, bi armanca biçûkxistina kesayeta kurd û reşkirina mejiyê wan, hertim jê re gotine:“Tu ne tişt î û tu yê nebî tiştek jî, Kurd perçe ne, ne xwedî proje ne, belawela ne, eşîr, komik, çiyayî û partîkok in, leşker in lê ne siyasetmedar in..”!
Lê Tevgera Azadiyê ya bi pêşengiya Rêber Ocalan, ku di pirsgirêkên civaka Rojhilata Navîn kûr bû û xwe ji diyardeyên ku dagirkerên Kurdistanê û sermayedarên cîhanê di “Mejiyê Rojhilatî” de çêkirine, ev terazû da guhertin.
Tevgereke xwendevan, şîrovekar, hişmend, xwedî stratejî û pragmatîk karîbû xwe ji wan diyardeyên kilasîl ên weke “Neteweperestî, Olperestî û yekrengiya civakî..” daweşîne û bendên li ser mejî rake.
PKK-Ocalan, Kurdê ketî, nexweş, jixwenefretkirî, xwereşkirî, bixwenebawer, tirsonek û nezan ji hemû diyarde pêvekên ku ji derve ve pê ve bûne, dawerivandin û nimûneyeke nû ya bixwebawer a “xwebûyînê” derxiste holê.
Rojavayê Kurdistanê jî berhema Ocalan a 20 salan û bi hezaran şehîdên azadiyê ye ku îro dibe nimûneyek ji demokrasî, wekhevî û dadmendiya civakî. Şaristaniya ku di serdemên berê de ji vir hate dizîn û li “rojavaya sermayedar” hate boyaxkirin, careke din bi “Rojavaya Ocelanî” re vedigere “Mezopotamyaya pêşeng”.
Kurd îro ne tenê leşker, lê belê bi perspektîfeke siyasî ku koka wê ne li ser“Zemîna Satrancê” ya Emerîkayî û Rûsyayî, ne jî di projeya wan a Oqyanûsî de ye, lê belê koka wê Qendîl û Îmralî ye û nexşerêya wê jî “Neteweya Demokratîk” e.
Kurd li vir xweser û pêşeng in. Nûmûneya herî mezin a ku li cîhanê deng veda jî şerê dîrokî yê Kobanê bû ku ji “nuqteya sifir” a taxa “Kaniya Kurdan” li bajarê Kobanê weke berxwedana “Rêveberiya Xweseriya Demokratîk” dest pê kir û heta “Çerxerêya Neîm” a bajarê Reqqayê (200 km başûrê bajarê Kobanê) mezin bû û weke “Federaliya Demokratîk” bi ser ket, pêşengiya “Kurdê Nû” yê “XWE” tekez kir.
Bajarê Reqayê bi pêşengiya Kurdan, bi rakirina wêneyê Ocalan li navîna Reqayê di Cotmeha borî de, gava yekem a ber bi avakirina Sûriyeya Fedaral ve avêt.
Bêguman rizgarkirina Reqayê ji aliyê QSD’ê ve ne bi çavkoriyeke leşkerî, lê belê ji ber xwendineke siyasî û pradîgmayeke Kurd a zîrek hat, ku hemwextî pêşketina şervanên QSD’ê ber bi Reqayê ve, reşnivîsa “Federaliya Demokratîk” dihat amade kirin. Di Tîrmeha borî de şêwazê birêvebirinê ji aliyê hemû pêkhate û bi “pêşengiya Kurdan” hate eşkerekirin. Di Îlona borî de jî hilbijartinên komînan pêk hatin. Di Cotmehê de jî wêneyê Ocalan li Reqayê bilind bû. Û niha jî dê di 1’ê Kanûna bê de hilbijartinên “Herêmên Federal” ev proje derbasî “qonaxeke nû” bibe.
Li gor agahiyan jî niha amadekariya rêveberiyeke giştî ya li ser asta Sûriyayê bi tevlêbûna hemû “gelên Sûriyayê” û bi “pêşengiya Kurdan” tê kirin.
Bi kurt û kurmancî, ev “stratejiya Kurd” a ku xwe ji diyardeyên paşverû û kilasîk dawerivandiye, îro ji bo “Rojhilata Navîn a nû” dibe rastiyeke berbiçav.
1’ê Kanûnê jî em derbasî “Qonaxa Nû” dibin!
PUKmedia
hewal ziyatr
-
Serfermandarê hêzên Alman serdana aramgeha Serok Mam Celal kir
12:49 PM - 2024-04-23 -
Silêmanî… Merasîma xelata zêrîn a Bile birêve diçe
10:45 AM - 2024-04-23 -
Serokomarê Tirkiyê Recep Tayyip Erdogan serdana Hewlêrê dike
10:48 PM - 2024-04-22 -
YNK:hilbijartinên parlamentoyê di dema xwe de bên lidarxistin
09:39 PM - 2024-04-22
zêdetir tamaşe bike
Xelata Bile Zêrîn ên sala 2024’an dê bên dayîn
10:09 AM - 2024-04-23
Serokomarên Iraq û Tirkiyeyê: Divê pirsgirêk bi diyalogê bên çareserkirin
03:59 PM - 2024-04-22
Serok Bafil: Binpêkirina mafên rojnamevanan hereşeyek rastî ye bo navûdengê Herêmê
03:12 PM - 2024-04-22
zortrin xwendraw
-
Erdogan gihîşt Bexdayê û fireksiyona YNK daxwaza rakirina qedexeya li ser firokexaneyê dike
Êraq 12:36 PM - 2024-04-22 -
Serok Bafil: Binpêkirina mafên rojnamevanan hereşeyek rastî ye bo navûdengê Herêmê
Kurdistan 03:12 PM - 2024-04-22 -
Qubad Talebanî daxwaza rakirina qedexeya ser firokexaneyê kir
Kurdistan 12:14 PM - 2024-04-23 -
Serokomarên Iraq û Tirkiyeyê: Divê pirsgirêk bi diyalogê bên çareserkirin
Êraq 03:59 PM - 2024-04-22 -
YNK:hilbijartinên parlamentoyê di dema xwe de bên lidarxistin
Kurdistan 09:39 PM - 2024-04-22 -
Serokomarê Tirkiyê Recep Tayyip Erdogan serdana Hewlêrê dike
Kurdistan 10:48 PM - 2024-04-22 -
Xelata Bile Zêrîn ên sala 2024’an dê bên dayîn
Kurdistan 10:09 AM - 2024-04-23 -
Silêmanî… Merasîma xelata zêrîn a Bile birêve diçe
Kurdistan 10:45 AM - 2024-04-23