Mijareke pir kêm li ser diaxivim..........Egîd Efrîn
kurdistani 03:40 PM - 2016-06-19Mijareke pir kêm li ser diaxivim..........Egîd Efrîn
Nizanim ev hest kengî wê rawestin, ango hinekî derfetê bidin min da ku jiyana xwe bêyî ku li berê binêrim, bijîm. Wekû çawa pêlên deryayê radibin û nahêlin keştî bi riyeke aram de biçin, ew jî li min wiha dikin.
Wekî van rojan di demeke derbasbûyî de, ez bi hêvî dimam, lê piştî ku dûrbûn bû qeder, û ji mal, gund û war dûr ketim, evîn her çû şên bû û bi hêviyan hate xemilandin. Di demjimêrên şevê yên wekî van, min dinivîsî, lê ne bi dilekî wisa kavilbûyî û bê bawerî. Çima wiha bû?
Li gor wê demê, dil ciwan bû, ew roj ku weke roniya hêviyê bûn wê ti carî wekû xuya dike, dûbare nebin. Min bang dikir, ka were, ez jî wekî te li dilekî wisa digerim, wî dilê ku kes bi hawarê nayê, ne jî kes jêre dibe hêvî da ku bi tena xwe di kolanên tarî û sar de nemîne...
Lê belê her tişt hema wisa winda bû û min xwe bi tenê şiyar dît. Min digot qey ezê gunehekê bikim, gava ku jêre vebêjim, lê min her wiha jî digot, Na! Bila ez dereng nemînim û nebêjim ka çima ez dereng mam.
Wê çaxê, her tişt tevlîhev bibû, min nedikarî ku biryarekê bistînim.
Niha jî, rewşekê xwe li me bar kiriye ku ne wîcdan û ne jî bawerî vê yekê qebûl dikin, êca ez li ku mame.... û xewn li ku bûn?! Law ew roj, û şev li ku man?
Piştî du salan, li devereke cûda dîsa bêriya wan rojan dikim bêhtir ji hemû demên borî, di wa kêlîkê de ku pirî caran jî poşmanî tê hemberî min.
Ji ber çi min dest ji wa rastiyê kişand.. ma ewqas hest û evîn çima bi lez bi dawî bû, li ser çi bingehan min ew nirxand, piştî (Na!)?
Van pirsan heya niha hiş radestî dil dike.. û li benda bersivê ye.. rast e ku hiş her tim rasteqîn e, û dil jî her tim şaş e, lê belê hin caran hiş ji dil dipirse.... " Te çima bi hêza xwe nehêşt şaştî bibe Rastî???
Ka tu jî were, Biçûka min, belê.. ji ber ku tu biçûk î ku tu van peyvên min fêm bikî.. ger te ez êşandibim, ez gazinan nakim, ji ber ku tu nizanî û nikarî bi wa biçûktiya xwe meznahiya gilî û gazincan hîn bibî. Tevî ku min nekarî li kêleka te bimama da ku ez wa derfetê bibînim û bêjim, lê belê jixwe dem derbas bibû û ez dereng mabûm.
Min hêvî dikir û hê jî hêvî dikim, tenê kêlîkekê, ku tu zane û mezin bûya, belkî guliyên dilê te yê biçûk û nezan, bihejiyana!
Belê, ez dereng mam, tevî ku min nedixwest dilopekê ji rengê dilê te bilivînim, lê wisa ji min re diyar bû ku min bi şaştî valahiyên xapînok yên di nava peyvan de nirxandin!
Ez loma ji te nakim, ne jî ti nesaxî û xemgînî ji te re dixwazim, xweziya min ew e ku dilê te ji wa tarîtiyê derkeve, mezin bibe û ji bo azadiyê têbikoşe, û bi hêza xwe û hemû zanebûna xwe bigihê miradê xwe, ne bi destê ti kesî din...
Ez bi hêvî me ku çare ji her derdekî re werin dabînkirin, û careke din ti xemgînî li ser ûmîd û xwestekan neyê belavkirin.
#Welat jî wê azad bibe, û tenê evîna wî dê dil xweş bike, di zemanekî de ku evîn nemabe.
Silêmanî 2015
PUKmedia
hewal ziyatr
-
Qubad Talebanî: Her rojek bîranîna tawanekê ye
05:53 PM - 2024-04-24 -
Serok Bafil beşdarî merasîma cenazeyê rêheval Elî Şemar dibe
07:47 PM - 2024-04-23 -
Serfermandarê hêzên Alman serdana aramgeha Serok Mam Celal kir
12:49 PM - 2024-04-23 -
Silêmanî… Merasîma xelata zêrîn a Bile birêve diçe
10:45 AM - 2024-04-23
zêdetir tamaşe bike
Serok Bafil: Yekîtî berdewame ji bo qerebûkirin û xizmetkirina xelkê Qeladizê
02:16 PM - 2024-04-24
Amerîka: Rewşa azadî û mafên mirovan ber bi paşvebûnê ve diçin
01:51 PM - 2024-04-24
50 Sal bi ser bombebarankirina Qeledizê û Zanîngeha Silêmanî re derbas bû
09:45 AM - 2024-04-24
Merasîma xelata zêrîn a Bile birêve diçe
05:11 PM - 2024-04-23
zortrin xwendraw
-
50 Sal bi ser bombebarankirina Qeledizê û Zanîngeha Silêmanî re derbas bû
Kurdistan 09:45 AM - 2024-04-24 -
Amerîka: Rewşa azadî û mafên mirovan ber bi paşvebûnê ve diçin
Kurdistan 01:51 PM - 2024-04-24 -
Serok Bafil: Yekîtî berdewame ji bo qerebûkirin û xizmetkirina xelkê Qeladizê
Kurdistan 02:16 PM - 2024-04-24 -
Hewlêr û Bexda di tomarkirina binpêkirinan de di pêş de ye
Rêportaj 09:14 PM - 2024-04-24 -
Qubad Talebanî: Her rojek bîranîna tawanekê ye
Kurdistan 05:53 PM - 2024-04-24