Naveroka civîna YNK û PDKê

Naveroka civîna YNK û PDKê

Mela Bextiyar: Civîna me ya îro digel PDKê baş û îcabî bû

Nêçîrvan Barzanî: Şanda YNKê çend pêşniyar bo me pêşkêş kirin derbarê çawaniya dariştina peywendiyên navbera me û em wê gotûbêj dikin.

Îro Sêşemê 12-1-2016 herdu şandên pilebilind yên Yekîtiya Niştîmanî ya Kurdistanê YNK û Partiya Demokrat ya Kurdistanê PDKê li bajarê Hewlêrê bi armanca çareserkirina kirîzên ku rû li Herêma Kurdistanê vegirtine û gotûbêjkirina çend pirsên din jî civiyan.

Piştî civînê, heval Mela Bextiyar berpirsê desteya kargêrî ya polîtburoya YNKê di daxuyaniyekê de ragihand, civîna me digel şanda PDKê de baş û îcabî bû.

Mela Bextiyar got: ew 5 xalên ku di civîna berê de ku em liser negihiştibûn rêketinekê, îro me ew daraştin ku taybetin bi peywendiyên navbera me û erkên hevbeş yên me.

Herweha got jî: me pêşniyar bo PDKê kiriye derbarê erkên hevbeş yên me li Kurdistan û Iraq û navçeyê û beşên din yên Kurdistanê.

Ji aliyê xweve Nêçîrvan Barzanî derbarê civînê de ragihand, şanda YNKê çend pêşniyarek pêşkêşî me kiriye derbarê çawaniya dariştina peywendiyên navbera me  û wê yekê gotûbêj dikin.

Ragihand jî, pêşniyarên YNKê gotûbêj dikin û civînên me dê berdewam bin.

Derbarê kirîza darayî jî li Herêma Kurdistanê û daketina bujaya neftê jî got: eger buhaya neftê bi berdewamî dakeve, ev kirîza darayî li Herêmê heta demeka din jî dirêj bike.

PUKmedia