Di êrişa Tirkiyê li Kobanê 2 welatiyên sivîl birîndar bûn

Di êrişa Tirkiyê li Kobanê 2 welatiyên sivîl birîndar bûn

Li gorî Navenda Ragihandina Yekîneyên Parastina Gel YPG ku di encama êrişên artêşa Tirkiyê li dijî deverên ser bi kantona Kobanê de, 2 Hemwelatiyên sivîl ji aliyê leşkerên Tirk ve hatin birîndarkirin.

Di wê barê de, Fermandariya Giştî ya YPG`ê daxuyaniyek nivîskî weşand û evê li xwerê naveroka wê ye;

Ji Çapemenî û Rayagiştî re!

1. 25ê Cotmehê leşkerên giredayî Arteşa Tirk li nêzîkî gundê Bubanê ya rojavayê Kobanê êrîşek lidarxistin.

Di encama êrîşê de 2 hemwelatiyê me yên sivîl ji aliyê leşkerên Tirk ve hatin birîndarkirin.

2. 25ê Cotmehê çeteyên DAIŞê li bejahiya bajaroka Sirîn a giredayî Kobanê êrîşek lidarxistin. Hêzên me li dijî êrîşên çeteyan a bi çekên giran bersîvê pêwîst dan.

3. 25ê Cotmehê hêzên me li dijî komên çeteyan a di taxa Bostan Paşa yê giredayî Halebê xwe bi cih kiribûn operasyonek lidarxist. Di operasyonê de qasî hat zelalkirin çetekî El Nusra hat kuştin

Navenda Ragihandina YPG

26 Cotmeh 2015

PUKmedia