Li Rojava serdema perwerdeya Kurdî
kurdistani 04:54 PM - 2015-09-29Li Rojava serdema perwerdeya Kurdî
Li Kantona Efrînê Serdema perwerdeyê ya 2015/2016 dest pê kir. Li 300 dibistanî ji bo perwerdeya bi zimanê zikmakî deriyên xwe ji 41 hezar şagirtî re vekirin.
Zarokên Kurd ên bi zimanê dayikê perwerdeyê bibînin di pola 4. de wê fêrî Erebî jî bibin. Sala xwendinê ya 2015/2016 li Efrînê doh dest pê kir. Nêzî 300 dibistanên seretayî, navîn û amedayî bi hemû beşên xwe deriyê xwe ji bo pêşwazîkirina şagirtan, vekirin. Şagirtên dibistanên seretayî ku 31 hezar şagirtin bi cilên xwe yên sor û şîn berê xwe didin dibistanan. Her wiha wê îro şagirtên ji pêkhateyên ereb jî dê di dibistanên seretayî de bi zimanê erebî perwerde bibînin û zimanê kurdî dê ji refa 4’an de dest pê bike û zimanê înglîzî jî dê ji refa 5’an de dest pê bike. Dibistana seretayî jî wê şagirtên kurd hemû kurmancî bibînin. Dîsan cil û meteryalên sala nû li şagirtan hatin belavkirin.
Ji Komîteya Perwerdeyê daxuyanî
Komîteya Perwerdeya Civaka Demokratîk ya Kantona Efrînê bi boneya destpêkirina demsala xwendinê ya sala 2015/2016 daxuyaniyek nivîskî da. Di daxuyaniyê de helwestên li dijî sîstema perwerdeya bi zimanê zikmakî şermezar kir. Her wiha bang li gelê Kurd li Bakurê Kurdistanê kir ku sîstema xwe ya perwerdehiya civakî ava bikin û diyar kir ku ew amade ne tecrûbeya xwe bi Bakurê Kurdistanê re parve bikin.
Di daxuyaniyê de ev agahî hatin dayin: „Di vê sala perwerdeyê ya 2015-2016 an a Kantona Efrîn bi guherîn û nûbûnên mezin ve destpê dikin. Lê belê guherîn û veguherînên çêbûyîn encamên ked û tecrûbe, ezmûnên sê salan e. Her wiha di serî de encama ked, fedakarî û xwîna bi hezaran şehîdên doza azadiyên ku wan ji bo ev guherîn li Kurdistanê çêbibin canê xwe yê giranbuha fedakirin. Em jî di bêjin şehîdên me yên mezin di gora xwe de vehesî xewkin vaye xeyalên we pêk tên. Lewre em sîstema sala perwerdeya 2015-2016 di kesayeta şehîdên Kobanê û û Rojava de diyarî hemû şehîdên doza azadiyê dikin. Her wiha em vê sîstema nû li malbatên şehîdan, hemû gelê kantonê, Rojavayê Kurdistanê û hemû xwendevan û mamosteyan pîroz dikin. Em weke KPC-Demokratîk a Kanton a Efrîn berpirsyariya avakirina kesayetên azad yên ku bibin dehatûya civaka kantona Efrîn û rojavayê kurdistanê radikin û piştgiriya hemû sazî, rêxistin û malbatên xwendevanên xwe diwazin ku di sîstema nû de bi saziya xwe ya perwerdeyê re bibin alîkar. Em ê li cihê ku me lê windakirî dîsa ji wir destpêbikin û ji wir biserbikevin.“
Wê Erebî jî were fêrkirin
Di daxuyaniya Komîteya Perwerdeyê de rêbaz û sîstema perwerdeyê jî wiha hate rawe kirin: „Her wiha îsal heta refa 6 sîstema perwerdeyê bi zimanê dayîkê ye Kurd bi zimanê xwe Ereb wê bi zimanê xwe bixwînin. Di refa çaremîn de Kurd fêrî Erebî, Ereb jî fêrî kurdî bibin û her du pêkhate wê di refa 5 an de fêrî îngilîzî bibin. Ango di dibistanên me yên seratayî de zarokên me bi sê zimanan dixwînin. Di dibibistanên navîn û amadeyî de jî branj-madeyên dîrok, erdnîgarî, ziman û wêjeya kurdî bi zimanê dayîkê ne. 7 peyamangeh jê yek peymangeha dîrok, ziman û wêjeya kurdî, 6 din yên pîşeyî ne. Ew jî peymangeha tendiristî, ya çandiniyê, ya komputer, ya şanogeriyê, rêvebirina kar û ya endezyariyê ne. Her wiha îsal zanîngeha Efrîn jî bi 3 beşên girîng deriyê xwe ji xwendevanên xwe re vekir. Du jûre wêjeya kurdî, yek aborî û yek jî endezyariya elektro mîkanîk e. Heta niha 650 xwendevanên me xwe li van 7 peymangeh û zanîngehê tomar kirine û wê dest bi sala xwendinê bikin. Lewre em bang li hemû ciwanên xwe yên derve û kantonê dikin ku werin di sîstema xwe de xwendina xwe bidomînin. Serkeftin wê ya gelê me be.“
PUKmedia / Yeni Ozgur Politika
hewal ziyatr
-
Xanima Yekem banga bilindkirina rola jinan di medyayê de dike
09:42 AM - 2024-03-28 -
Guhertinên nav Ragihandinê ya YNK’ê dê bên pêkanîn
09:02 PM - 2024-03-27 -
Navenda Lêkolînê ya YNK’ê dest bi avakirina kapasîteya partiyê ya xwendina bilind kir
06:23 PM - 2024-03-27 -
Dîdara Silêmaniyê dê di meha nîsanê birêve biçe
12:24 PM - 2024-03-27
zêdetir tamaşe bike
Serok Bafil ji nûnerê Serokê Rûsyayê re: Em ê li pey çareseriya aştiyane bin
11:21 PM - 2024-03-28
Serok Bafil piştrast dike: aktîvkirina hewlên ji bo derbaskirina zehmetiyan
10:34 PM - 2024-03-28
Serok Komar: Derengxistina mûçe bandor li rewşa jiyana herêmê kir
06:03 PM - 2024-03-28
Berdevkê YNKê: Me xwe û lîsteya namzedan amade kiriye
01:34 PM - 2024-03-28
zortrin xwendraw
-
Dema wergirtina lîsteyên namzedan hat dirêjkirin
Kurdistan 12:38 PM - 2024-03-28 -
Berdevkê YNKê: Me xwe û lîsteya namzedan amade kiriye
YNK 01:34 PM - 2024-03-28 -
Serok Bafil piştrast dike: aktîvkirina hewlên ji bo derbaskirina zehmetiyan
Cîhan 10:34 PM - 2024-03-28 -
Serok Komar: Derengxistina mûçe bandor li rewşa jiyana herêmê kir
Êraq 06:03 PM - 2024-03-28 -
Serok Bafil ji nûnerê Serokê Rûsyayê re: Em ê li pey çareseriya aştiyane bin
Kurdistan 11:21 PM - 2024-03-28 -
Letîf Nêrweyî: Serdana Serok Bafel girîng û hestiyar bû
Kurdistan 10:50 AM - 2024-03-29