Serokê Herêma Kurdistanê Mesûd Barzanî îro sêşemê 14/7/2015 li gel balyozê Emerîkî li Êraqê Stewart Jones civiya.

Di hevdîtina Serokatiya Herêmê û balyozê Emerîkî li Êraqê de, herdû aliyan  xutkirina pevgirêdayînê di navbera hêzên Pêşmerge û artêşa Êraqê û hevpeymana navdewletî  dijî DAIŞ`ê, tekez kirin.

Serokatiya Herêmê di daxuyaniyekê de ku PUKmedia`yê kopiyek jê bidest xist, xuya kir ku Serok Mesûd Barzanî li gel balyozê  Emerîkî Setwart Jones hevdîtin pêk anî, her wiha eşkere kir herdûyan rewşên siyasî û ewlehî li Êraq û Sûriyê, û têkilî û lihevkirinên di navbera Herêma Kurdistanê û hikûmeta Federal ya Êraqê de gotûbêj kirin.

Daxuyaniya Serokatiya Herêmê berdewam kir ku herdû aliyan li ser rewşên heyî li çeperên şerê li dijî DAIŞ`ê li herêmên Enbar û Selahedîn û Nînewayê jî nîqaş kirin, û çawaniya xutkirin û zêdekirina pevgirêdayîn û kordînasyonê di navbera Pêşmerge û artêşa Êraqê û hevpeymana navdewletî de.

PUKmedia