Destjêberdana komî ji hevbenda nivîskarên Sûriyê
kurdistani 07:47 PM - 2015-07-13Destjêberdana komî ji hevbenda nivîskarên Sûriyê
Daxuyanî
Bi destpêkirina şoreşa Sûriyê re, xewna welatekî hevbeş dûrî gemkirin û zorê, ku hemû netewe, ol û mezheban di hundir xwe de bihewîne, geş bû. Avakirina hevbenda nivîskarên Sûriyê jî di vê çarçoveyê de bû; em wekî nivîskar û rewşenbîr bibin xwedî dezgeheke wisa, dûrî rê û rêbazên yekîtiya nivîskarên ereb kar bike. Ew dezgeha ku xwedî yek raman, yek ziman û yek rengî bû.
Wisa jî hemû mafên her kesê derveyî wî rengî û wê ramanê dihatin binpêkirin. Çawa ku rêjîmê dest danîbû ser siberoja kesên Sûriyê û her tişt bi xwe ve girêdabû, wisa hin alî û siyasetan dest danîn ser şoreşê û ew xistin bin baskên xwe. Bi vî awayî xwediyên şoreşê yên rasteqîne di navbera du aliyan de asê man.
Yek jê diz û zorker û yê din korsanekî durrû û jiserxweçûyî. Hêviyên pir mezin li ser çandê û rewşenbîrên Sûriyê hatin girêdan. Herweha zemîneke wisa peyda bû, ku çanda sûriyê li hember van hêzên ku dest danîne ser vîna xelkê û siberoja wan, bibe çavkaniya geşbûn û pêşdeçûnê. Ji ber vê hêviya me ji damezirandina hevbenda nivîskariyên Sûriyê ew bû ku bibe bingeheke rexneyî ji şoreşê re, wisa jî ji çandeke pirrengî û hevbeş re, bêyî biryargirtina xwe bispêrin navendên derve.
Lê bûyer û gengeşiyên ku di vê dema dawiyê de di navbera hin endamên hevbendê de qewimîn, bi derxistina daxuyaniyên dijî hev û desttêwerdana hevbendê wekî aliyekî û rawestandina endametiya nivîskar Helîm Yûsiv bi hin behaneyên ku kenê mirovan tînin, ev hemû metod û awayên cezakirina xwediyên dîtinên cihê, metod û awayên cezakirinê yên yekîtiya nivîskarên ereb tînin bîra mirov.
Wisa jî ev nîşana wê yekê ye ku, hevbenda nivîskarên Sûriyê xwe eşkere li kêleka aliyekî siyasî dibîne. Ji ber van sedeman, em yên ku vê daxuyaniyê imze dikin destjêberdana ji endametiya xwe ya vê rêxistinê eşkere dikin û van şêweyên cezakirin û gemkirina nivîskar û rewşenbîrên xwediyên dîtin û nerînên cihê şermezar dikin.
Yên ku imze kirine
–Ehemdê Huseynî – Endamê birêveberiya giştî
–Dr. Serbest Nebî – Endamê hevbendê
-Taha Xelîl- Endamê hevbendê
-Ebdulselam Hilo--Endamê hevbendê
-Mihemed Silêman Zada-Endamê hevbendê
-Ciwan Teter--Endamê hevbendê
--Endamê hevbendê--Taha Hamid
-Îbrahîm Îbrahîm--Endamê hevbendê
- Abdulqadir Musa--Endamê hevbendê
-Ciwan Yusif--Endamê hevbendê
-Abad Abas--Endamê hevbendê
-Sîhanok Yusif Dîbo--Endamê hevbendê
-Nezîr Mela--Endamê hevbendê
-Mesûd Mihemd Abas--Endamê hevbendê
-Helîm Yusif endamê komîteya cêbicêkir ya Hevbendê
PUKmedia
hewal ziyatr
-
Qubad Talebanî: Her rojek bîranîna tawanekê ye
05:53 PM - 2024-04-24 -
Serok Bafil beşdarî merasîma cenazeyê rêheval Elî Şemar dibe
07:47 PM - 2024-04-23 -
Serfermandarê hêzên Alman serdana aramgeha Serok Mam Celal kir
12:49 PM - 2024-04-23 -
Silêmanî… Merasîma xelata zêrîn a Bile birêve diçe
10:45 AM - 2024-04-23
zêdetir tamaşe bike
Serok Bafil: Yekîtî berdewame ji bo qerebûkirin û xizmetkirina xelkê Qeladizê
02:16 PM - 2024-04-24
Amerîka: Rewşa azadî û mafên mirovan ber bi paşvebûnê ve diçin
01:51 PM - 2024-04-24
50 Sal bi ser bombebarankirina Qeledizê û Zanîngeha Silêmanî re derbas bû
09:45 AM - 2024-04-24
Merasîma xelata zêrîn a Bile birêve diçe
05:11 PM - 2024-04-23
zortrin xwendraw
-
50 Sal bi ser bombebarankirina Qeledizê û Zanîngeha Silêmanî re derbas bû
Kurdistan 09:45 AM - 2024-04-24 -
Amerîka: Rewşa azadî û mafên mirovan ber bi paşvebûnê ve diçin
Kurdistan 01:51 PM - 2024-04-24 -
Serok Bafil: Yekîtî berdewame ji bo qerebûkirin û xizmetkirina xelkê Qeladizê
Kurdistan 02:16 PM - 2024-04-24 -
Hewlêr û Bexda di tomarkirina binpêkirinan de di pêş de ye
Rêportaj 09:14 PM - 2024-04-24 -
Qubad Talebanî: Her rojek bîranîna tawanekê ye
Kurdistan 05:53 PM - 2024-04-24