YNK`ê pêşnyara dirêjkirina wîlayeta serokatiya Herêmê gotûbêj dike

YNK`ê pêşnyara Partî ya dirêjkirina wîlayeta serokatiya Herêmê gotûbêj dike

Biryar hate dayîn ku Polîtbîroya Siyasî ya YNK`ê roja duşemê 6/7/2015, civînekê li dar bixe ji bo gotûbêjkirina pêşniyara Partiya Demokrata Kurdistanê.

Berdefkê fermî yê polîtbîroya siyasî ya YNK`ê Îmad Ehmed di daxuyaniyeke taybet ji PUKmedia re xuya kir ku şandeya PDK`ê, ya bi serokatiya Nêçîrvan Barzanî di civîna yekşemê de ya li gel YNK`ê li Silêmaniyê , pêşniyarek daye dernarê pirsa serokatiya Herêma Kurdisanê.

Îmad Ehmed diyar kir ku Partî di pêşnyara xwe de daxwaz ji Yekîtî kiriye ku wîlayeta Serokê Herêmê Mesûd Barzanî bi qasî 2 salan bê dirêjkirin.

Ehmed di derbarê de got ku Polîbîroya Siyasî ya YNK`ê dê sibe duşemê di civînekê de va daxwazê gotûbêj bike, piştre wê bi awayekî fermî bersiva wê jî bide.

PUKmedia