Li Cizîra Botan festîvala çand û ziman

Li Cizîra Botan festîvala çand û ziman

Li herêma Cizîr a Botanê ya ser bi parêzgeha Şirnexê ya  bakûrê Kurdistanê 9'emin Festîvala Çand û Ziman despêkir.

Hevşaredara Cizîrê Leyla Îmret diyar kir ku çand û ziman hebuna mirovahiyê ye her weha berxedana Kobanê jî parastina çand û ziman dike.

Her sal 15'ê Gulanê Cejna zimanê Kurdî li navçeya Cizîr a Şirnexê bi festîvalê tê piroz kirin. Îsal jî 9'emin Festîvala Çand û Zimanê Azad a Cizîrê bi reng û çanda kurdî despêkir.

Meşê bi karwanên hespan, arbanan û tiliyên dayikan, dîmenên rengîn despêkir. Bernama Festîvala bi şîara "Bi Çand û Zimanê Azad Em Jiyana Azad Ava Dikin” tê li dar xistin. festîvala çand û ziman duh destpê kir û heya roja 17/5/2015 berdewam dike.

PUKmedia/Şaredariya Cizîrê