Şanda Parlemanterên Herêma Kurdistanê serdana Şaredariya Amedê kirin
kurdistani 03:33 PM - 2015-02-12Şanda Parlemanterên Herêma Kurdistanê serdana Şaredariya Amedê kirin
Şanda parlemantoya Herêma Kurdistanê ku bi serdanekê li Bakûrê Kurdistanê ye, li bajarê Amedê serdana Şaresariya bajarê mezin a Amedê kirin.
Şanda Parlamentoya Kurdistanê ji her yek Alî Halo, Salar Mehmûd, Muhammededalî Yasîn Taha, Êvar Îbrahim Hussein, Najîba Latîf Ahmed, Kamal Yalda Margûz, Bihar Abdulrahman Muhammed, Parwa Alî Hama û Amanc Îsmaîl Osman pêk dihat, îro (12 sibat 2015) demjimêr 09.00ê serdana Şaredariya Bajarê Mezin a Amedê kirin.
Şandeya Parlamentoya Kurdistanê li deriyê protokolê yê Şaredariyê bi kulîlkan ji aliyê Hevşaredar Gultan Kişanak û Firat Anli, Hevşaredarên Rezanê Eşref Guler û Bîrsen Akat Ata, Hevşaredarê Peyasê Mehmet Alî Aydin û Sekreterê Giştî Fethî Suvarî û Alîkara Sekreter Rojda Balkaş, endamên meclisê Erkan Erencî, Zahît Çiftkuran û A. Serra Bucak Kuçuk ve hate pêşwazîkirin.
Serdan ji aliyê çapemeniya şaredarî û çapemeniya kurdî ve bi baldarî hate şopandin û axaftina pêşwazîkirinê ji aliyê Hevşaredar Firat Anli ve hate kirin. Anli bal kişand ser hevgirtin û yekrêziya navbera kurdan û got, “Gelê me çawa serê vê sedsalê azadiya xwe bi dest xwe ve aniye, her wisa ew ê bi hev re li dijî êrîşên çeteyan jî têkoşînê bidin û dê wan ji nav bibin. Li Rojhilata Navîn gelê kurd, tirk, fars, ereb, ermen û gelên din, ligel bîr û baweriyên wek êzdî, elewî, sunî, şiî, mesewî û îsewî dê bi hev re bijîn.” Anli bal kişand ku keç û xortên gelê kurd li Şengal û Kobanê bi hev re, mil bi mil li dijî êrîşan ber xwe dan û canê xwe dan û got, “Ev ji bo me pir bi qîmet e.” Anli, bi ser navê gelê Amedê bixêrhatina mêvanan kir û got, “Hûn bi ser ser û çavan hatin.”
Halo: Em dixwazin têkiliyên civakî, çandî û siyasî pêş bixin
Piştre berdevkê şandeya Parlamentoya Kurdistanê Alî Halo axivî, bi ser navê Serokê Parlamen û Parlamenê gelê Bakur silav kir. Halo, destnîşan kir ku Parlamentoya Kurdistanê têkiliya bi Tirkiye û herêmê re gelekî girîng dibîne, ew têkiliyên navbera Bakur û Başûrê Kurdistanê gelekî hêja dinirxîne û got, “Bajarê Amedê di dema desthilata partiyên bi kevneşopiya HDPê de gelekî pêşve çûye, ew hêjayî pesindanê ye.”
Halo weha axivî: “Têkiliyên me yên siyasî hatine asteke baştir. Em dixwazin têkiliyên civakî û çandî jî xweştir bin. Li Rojhilata Navîn rewşeke nû pêk tê, me divê di vê rewşê de kurd bi hev re di warê siyasî, civakî, neteweyî û çandî de destkeftiyên baştir bi dest bixin.
DAÎŞ ji bo Rojhilata Navîn xeterek mezin e. Beşeke mezin a ajandaya DAÎŞê ax û welatê Kurdistanê ye. Ji ber vê jî ji bo me yekrêziya neteweyî bi hemû pêkhateyên welatên me re (êzdî, şebek, turkman, Asûrî-keldanî) gelekî girîng e. Wek tê zanîn, hinek derdor çi rasterast çi jî neyekser piştgiriya DaÎŞê dikin. Ji ber vê jî serkeftina me ya li Kobanê, Mexmûr û Kerkûkê, serkeftina cîhana demokrasiyê ye. Îro li Başûr û Rojavayê Kurdistanê kurd li dijî terorîzmê têdikoşin. Kurd, bereyê demokrasî yê li dijî terorê ne. Lewre jî êrişa bi ser Başûr heman demê êrişa bi ser Tirkiye, Îran, Iraq û Surî ye. Ji bo pêşwazîkirina we ya jidil ez dîsa spasiya we dikim.”
Şande da nasandin
Halo, piştre endamên şandeya Parlamentoya Kurdistanê yek bi yek dane nasandin: “Ez Endamê Komîsyona Çavkaniyên Surîştî û Enerjiyê me. Salar Mahmûd Serokê Komîsyona Mafên Mirovan a Parlamentoyê ye. Muhammededalî Yasîn Taha parlamenterê PDKê ye. Êvar Îbrahim Hussein Seroka Komisyona Jinan û endama Komisyona Civaka Sîvîl e. Najîba Latîf Ahmed Endama Komisyona Etîkê û Komisyona Civaka Sîvîl e. Kemal Yalda Margûz, Parlamentera bi ser Koma Suryanî Keldanî ya Parlamena Kurdistanê ye û Endama Komisyona Veguhastin û Şarevaniyê ye. Dîsa Bihar Abdulrahman Muhammed, endama Komisyona Jinan û Komisyona Mafên Mirovan e. Perwa Alî Hama jî parlamentera Partiya Gorran e û endama Komisyona Medya û Civaka Sîvîl e. Amanc Îsmaîl Osman jî rojnamavan e.”
‘Têkoşîna kurdan azadiyê tîne Rojhilata Navîn’
Piştre Hevşaredar Gultan Kişanak jî kêfxweşiya xwe bi pêşwazîkirina şandeya Parlamentoya Kurdistanê a li Amedê derbirî û ev seradan ji bo têkoşîna demokrasiyê wek gaveke mezin nirxand. Kişanak kêfxweşiya xwe anî ziman ku nîviya şandeyê ji jinan pêk tê û got, di şandeyê de nûnerên ji part û hîzbên cuda cuda jî nîşana demokrasiya nav kurdan e. Kişanak bal kişand ku têkoşîna kurdan di wê astê de ye ku ji tevahiya Rojhilata Navîn re wekhevî û demokrasiyê bîne û got, berxwedana li Kobanê, Mexmûr û Şengalê nîşana vê yekê ye.
Kişanak got: “Divê hemû dinya qîmetê vê bizanibe. Em ziman, dîn û axa xwe diparêzin, hema demê em nirxên mirovahiyê diparêzin. Hûn dîsa ser ser û çavan hatin. Bo têkoşîna we daxwaza serfiraziyê dikim.” Şandeya Başûr, li Amedê serdan û geryana xwe didomîne.
PUKmedia / Şaredaraya Bajarê Mezin a Amedê
hewal ziyatr
-
Dije Teror û Asayîşê derbarê rudawa li Silêmanî daxuyaniyek dan
04:47 PM - 2024-04-19 -
Konsulê Rûsyayê: Yekîtî di pêşxistina aştî û diyalogê de xwedî roleke girîng e
09:38 PM - 2024-04-18 -
Yekîtî ji bo hilbijartinan amade ye
08:03 PM - 2024-04-18 -
Komisyonê roja destpêkirina kampîên hilbijartinan ragihand
01:04 PM - 2024-04-18
zêdetir tamaşe bike
Yûsif Goran: Hilbijartin teke rêya derketina Herêmê ji wê rewşê ye
08:34 PM - 2024-04-19
Birîna 160 milyon dînar ji mûçeyê parlementerên ku beşdarî civînan nebin
01:35 PM - 2024-04-19
Dahata Silêmaniyê di heftiyekê de zêdey 7 milyar dînar e
10:31 AM - 2024-04-19
zortrin xwendraw
-
Konsulê Rûsyayê: Yekîtî di pêşxistina aştî û diyalogê de xwedî roleke girîng e
Kurdistan 09:38 PM - 2024-04-18 -
Dahata Silêmaniyê di heftiyekê de zêdey 7 milyar dînar e
Aborî 10:31 AM - 2024-04-19 -
Dije Teror û Asayîşê derbarê rudawa li Silêmanî daxuyaniyek dan
Kurdistan 04:47 PM - 2024-04-19 -
Birîna 160 milyon dînar ji mûçeyê parlementerên ku beşdarî civînan nebin
Kurdistan 01:35 PM - 2024-04-19 -
Yûsif Goran: Hilbijartin teke rêya derketina Herêmê ji wê rewşê ye
Kurdistan 08:34 PM - 2024-04-19 -
Qubad Talebanî: Aramiya Silêmaniyê xeta sor e
Kurdistan 10:10 PM - 2024-04-19