Talebanî; Li Tirkiyê gotina Kurd û Kurdayetî qedexe bû

.

Îro serê sibê roja duşemê 26-1-2015`an, li bajarê Hewlêrê, bi beşdarbûna hejmarek ji berpirsên hizbî û hikûmî, kongiryeke rojnamegerî hevbeş di navbera Tirkiye ûp Herêma Kurdeistanê de pêkhat.

Di wê kongireyê de, cîgirê serokê hikûmeta Herêma Kurdistanê Qubad Talebanî di gotara xwe de, got; Peywendiyên Tirkiye û Herêma Kurdistanê dîrokî ne, lê mixabin rastî mgelek astengî û rêgirî û pirsgirêkên cur bi cur di gelek qonaxên wê de hatiye.

Talebanî aşkire kir ku wek bi bîra wî tê ku serok Mam Celal diçû bo Tirkiye û bi awayekî nihênî û bi dizî digel serokkomarê wê demê Turgot Ozel diciviye û dûr li çavên kamîrf û rojnamegeriyê û wê demê gotinên kurd û kurdayetî jî li Tirkiye qedexe bû. Ji ber wê yekê jî me nikarî wê demê wek van civînên îro ku em bi hevre dikin pêkbihaniya û peuwendiyên me bi Tirkiye re seresera bûn û girêdayî bi pirsa Partiya Karkerên Kurdistanê re bû, lê gelek alî û kesan hewildan ku van peywendiyên herdu aliyan bê wate bikin an jî pûç bikin, lê nikarîn û weke xwe man.

Pişt re hêdî hêdî ber bi pêngavên baştir çû û bi taybet ji aliyê aborî ve gelek şîrketên Tirkî li Herêma Kurdistanê çaxên xwe vekirin û di sala 2008`an de ji ber ku artêşa Tirkiye ketin nava axa Herêma Kurdistanê û li dijî Partiya Karkerên Kurdistanê operasyon pêkanîn û ev jî bû bi sedema nerihetiya berpirsên Herêma Kurdistanê û xelkên Herêmê û careke din peywendî lawaz û aloz bûn.

Her weha careke din serok Mam Celal bi awayekî nihênî civîn bi hikûmeta Tirkiyê re lidarxistin û ew alozî serrast kir û ew alozî baştir kir û wa di roja me ya îro de, ew başbûna peywendiyan tê li ber çavan û gelek ji berpirsên peya bilind ên Tirkiye hatin serdana Herêma Kurdistanê û gelek ji yên Herêma Kurdistanê jî çûn bo serdana Tirkiyê.

PUKmedia