سەعدی پیرە پیرۆزبایی لە یانەی برایەتی دەکات

بەڕێزان سەرۆک و ئەندامانی دەستەی کارگێری و یاریزانان و هاندەران و هەوادارانی یانەی وەرزشی برایەتی

 لە ناخی دڵەوە پیرۆزباییەکی گەرمتان ئاراستە دەکەم بەبۆنەی بەدەستهێنانی نازناوی یەکەم لە خولی نایابی تۆپی پێی کوردستان ، ئەم سەرکەوتنە گەورەیە بێگومان زادەی مێژوویەکی دوور و درێژی پڕ لە سەرکەوتنی تری یانە بەناوبانگەکەتانە ، نیشانەی ئەوەیە کە هەم دەستەی کارگێری و هەم یاریزانان سەرباری خراپی بارودۆخی ئابوری و ئەو هەوراز و نشێوانەی  کە یانەی وەرزشی برایەتی پێیدا تێپەڕی بەڵام گیانی بەیەکەوە کارکردن و ئیرادەی بەهێزی هەموو لایەکتان دەریخست سەرکەوتن و یانەی وەرزشی برایەتی دووناوی لەیەک دانەبڕاون .

جارێکی تر ئەم هەوڵ و ماندووبوون و سەرکەوتنەتان لێ پیرۆزدەکەم کە جێگای شانازی هەموو وەرزشوانان و وەرزش دۆستانی کوردە بە گشتی و شاری هەولێر بەتایبەتی ، هیوادارم هەمیشە نازناوی یانەی وەرزشی برایەتی وەک قەڵا و منارە بەبەرزی و سەرکەشی بمێنێتەوە .

سەعدی ئەحمەد پیرە

ئەندامی مەكتەبی سیاسی یەكێتی نیشتمانی كوردستان

thumbnail.jpg

10/6/2021 21:33:00