هاوخەمی سەرۆكایەتی یەكێتی بۆ كۆچی دوایی شێخ رەوف شێخ رەشید تاڵەبانی

بەداخ و پەژارەیەكی زۆرەوە،  هەواڵی كۆچی دوایی كەسایەتی دیارو تێكۆشەر شێخ رەوف شێخ رەشید تاڵەبانی ، برای شەهیدی نەمر سیروان تاڵەبانی و شەهیدان ئەیوب و عومەر و خالید و غەریب و خاڵی هەڤاڵ جەلال شێخ ناجی و مامی هەڤاڵ  پۆڵا سیروان تاڵەبانی ئەندامانی ئەنجومەنی سەركردایەتی یمان پێگەیشت.

بۆئەم خەمە پرسەو سەرەخۆشی سەرۆكایەتیی یەكێتیی نیشتمانیی كوردستان رادەگەیەنین، و خۆمان بەبەشداری خەم و ماتەمی بنەماڵە تێكۆشەرو شەهیدبەخشەكەتان دەزانین ، كەهەمیشە لەریزی پێشەوەی قوربانی دان و گیان بەخشیدا بوون و نموونەی وەفاداری بوون ، لەخەباتكردندا دووبارە بۆخۆتان خۆشبن رۆحی ئازیزمان بۆ هەمیشە شادبێت .

سەرۆكایەتیی یەكێتیی نیشتمانیی كوردستان

31/3/2021 19:22:00