کەلار ..لەڕوداوێكی هاتووچۆدا كەسێك گیانی لەدەستدا

ئێوارەی ئەمڕۆ بەهۆی رووداوێكی هاتوچۆوە لەسنوری قەزای كەلار هاووڵاتیەك گیانیلەدەستدا.

مقەدەمی مافپەروەر  عەلی جەمال قەدووری ڕاگەیاندنی پۆلیسی گەرمیان وتوویەتی:" ئێوارەی ئەمڕۆ چوارشەمە لەسەر ڕێگای كەلار - گردەگۆزینە ئۆتۆمبێلێك لەجۆری مازدای پیكاب  كۆنتڕوڵی لەدەستدا و خۆی كێشا بەدوو ئۆتۆمبێلدا".

رونیشكردوەتەوە:"  لەئەنجامدا كەسێك كەسەرنشینی مازدا پیكابەكەبوو  بەناوی هاوكار ئیبراهیم وەیس لەدایكبووی 2001 دانیشتووی گوندی شێخ لەنگەر گیانی لەدەستدا و شۆفێرەكەشی بەسەختی برینداربووە".

باسی لەوەشكردوە:"  دوای چارەسەری پێویست بۆبریندارەكە لەبەشی فریاكەوتنی شەهید هەژار لەكەلار بەهۆی سەختی برینەكەیەوە ڕەوانەی نەخۆشخانەی سلێمانی كرا.

PUKmedia راگەیاندنی پۆلیسی گەرمیان 

.

 

13/1/2021 23:18:00